अभिनेते विलास उजवणे यांची मृत्युशी झुंज

ठाणे : मराठी टीव्ही मालिका आणि सिनेमांमध्ये आपल्या अभिनयाचा ठसा उमटवणारे प्रसिद्ध अभिनेते विलास उजविणे हे सध्या मृत्युशी झुंज देत आहेत.

'ब्रेन स्ट्रोक'मुळे त्यांना ठाण्याच्या ज्युपिटर हॉस्पीटलमध्ये दाखल करण्यात आलंय. विलास उजविणे यांच्यावर ज्युपिटरच्या आयसीयू विभागात उपचार सुरू आहेत. रक्तदाब नियंत्रणात आणण्याचे प्रयत्न सुरु असल्याची माहिती, उजविणे यांच्यावर उपचार करणाऱ्या डॉक्टरांनी दिलीय. 

मूळचे नागपूरकर असलेल्या डॉ. विलास उजवणे यांनी मुंबईत अभिनयाच्या क्षेत्रात आपल्या कलेचा ठसा उमटविला आहे. सुमारे शंभर मराठी तसेच हिंदी चित्रपटांमध्ये अभिनय करणाऱ्या डॉ. उजवणे यांनी नाट्यक्षेत्र तसेच दूरचित्रवाणी मालिकांमध्येही अभिनयाने रसिकांची वाहवा मिळविली आहे

उजवणे यांनी 'लोकराज राजर्षी शाहू' या मालिकेतील कर्मवीर भाऊसाहेब पाटील यांची साकारलेली भूमिका विशेष गाजली होती.