बहुप्रतिक्षित `बाहुबली द कनक्लूजन` चित्रपट प्रेक्षकांच्या भेटीला

मुंबई : सगळ्यांच्याच चर्चेचा विषय ठरलेला 'बाहुबली द कनक्लूजन' हा सिनेमा आज रिलीज होत आहे. सर्वांचीच उत्सुकता ताणलेला 'बाहुबली द कनक्लूजन' चित्रपट इतिहास रचण्याची शक्यता आहे. 

देशातल्या सर्वच प्रमुख शहरांमधल्या मल्टिप्लेक्समध्ये अॅडव्हानस् बुकींग फुल असल्याचं समजतंय. त्यामुळं पहिल्याच दिवशी बाहुबली १०० कोटींचा गल्ला जमवण्याची शक्यता आहे. 2015साली आलेल्या बाहुबली - बिगिनिंग या सिनेमानं तब्बल 650कोटींचा व्सवसाय केला होता. 

आता 'बाहुबली द कनक्लूजन' हा सिनेमा हे सगळेच विक्रम मोडणार असल्याची चर्चा रंगतेय. 'बाहुबली द कनक्लूजन' हा सिनेमा एकाचवेळी भारतात जवळपास 9000 पडद्यांवर झळकणार आहे. केवळ भारतातच नव्हे तर जगभरात हा सिनेमा उद्या झळकणार आहे. 

याच बरोबर 'बाहुबली द कनक्लूजन' या सिनेमाचे तिकीट दरही गगनाला भिडतायेत. सिनेमाचं डिस्ट्रीब्यूशनही तगडं आहे. त्यामुळं हा सिनेमा इतिहास रचणार असल्याचा अंदाज व्यक्त केला जातोय.