`सैराट` पहिल्या दिवशी हाऊसफुल्ल

मुंबई : 'झी स्टुडिओ'जची निर्मिती असलेला, दिग्दर्शक नागराज मंजुळे यांच्या 'सैराट' या सिनेमाला बॉक्स ऑफिसवर धमाकेदार ओपनिंग मिळालं आहे.

महाराष्ट्रभर जवळ जवळ ४०० चित्रपटगृहांमध्ये ८५०० शोजसह हा सिनेमा झळकला असून वीकेडंला सैराटचे जवळपास १०० टक्के शो हाऊसफुल्ल आहेत.

अर्ची आणि परश्याची लव्हस्टोरी बघण्याची सगळ्यांनाच उत्सुकता लागून राहिली आहे. सिनेमाला जर चांगला प्रतिसाद मिळाला तर सैराटच्या शोजची संख्या वाढवण्याची शक्यता वर्तविण्यात येते आहे.

अजय-अतुलच्या संगिताने आधीच रसिकांना चांगलीच भूरळ घातली असून सिनेमाची गाणी ब्लॉकबस्टर ठऱली आहेत. त्यामुळे रसिकांनीही सिनेमाला पसंतीची पावती दिली आहे.