धुळेकरांची पसंती देशी आकाश कंदीलला

धुळे : दिवाळी काही दिवसांवर येऊन ठेपली आहे. दिवाळीच्या निमित्ताने बाजारपेठेत रंगीबेरंगी  झालर असणारे आकाश कंदिल दिवाळीची चाहूल लागताच विक्रीसाठी दाखल झालेले आहेत. 

पारंपरिक आकारांबरोबरच नवीन प्रकारचे आखीव-रेखीव कलाकुसरीचे आकाशकंदील लक्ष वेधून घेत आहेत.  

धुळे शहररासह परिसरातील बाजारपेठ दिवाळीच्या साहित्यांनी गजबजली आहे. 

घरासह अंगण आणि परिसर उजळून  प्रकाशमय करण्या-या विविध रंगी आकाश कंदिलांनी सध्या बाजारपेठ सजली आहे. बाजारपेठेत सुमारे ५० रुपयांपासून १ हजार रुपयांपर्यंतचे  विविधरंगी आकाश कंदील  विक्रीसाठी आले आहेत.