10 जूनपर्यंत मान्सून मुंबईत दाखल होण्याची शक्यता

मुंबई : हवामान खात्याच्या अंदाजानुसार यंदा नैऋत्य मोसमी पाऊस वेळेवर दाखल होण्याची शक्यता आहे. मान्सूनचं सर्वसाधारण भाकित वर्तवणारा एक नकाशा हवामान खात्यानं जाहीर केलाय. 

यानुसार 20 मे रोजी पाऊस अंदमान-निकोबारला दाखल होईल. 1 जूनला, म्हणजेच वेळेवर, केरळमार्गे तो भारताच्या मुख्य भूमीत प्रवेश करेल. 

त्यानंतर त्याचा प्रवास अडथळ्याशिवाय सुरू राहिला, तर 7 ते 10 जूनदरम्यान मुंबईमध्ये पहिला पाऊस बरसेल. राजधानी दिल्लीमध्ये 29 जूनच्या आसपास मान्सून दाखल होण्याची शक्यता आहे.