ही लाजिरवाणी बाब : मुख्यमंत्री देवेंद्र फडणवीस

मुंबई : महिलांना देवाच्या दर्शनासाठी संघर्ष करावा लागतो ही लाजिरवाणी बाब, असे प्रतिपादन मुख्यमंत्री देवेंद्र फडणवीस यांनी केले.

पाडव्या निमित्ताने मुख्यमंत्री देवेंद्र फडणवीस यांनी जनतेला नवीन वर्षाच्या शुभेच्छा दिल्या. गिरगावातील स्वागत यात्रेत ते सहभागी झाले होते. त्यावेळी ते बोलत होते.

संस्कृतीचं जतन गिरगावात होतंय याचा अभिमान वाटतो. गेली १४ वर्ष राष्ट्रभक्त युवा एकत्र येऊन संस्कृतीचं संवर्धन करतोय, असं ते म्हणाले. जगाला चांगला संदेश देण्याची ताकद भारतीय संस्कृतीत आहे, माझ्या देवानं कधी भेद मानला नाही मात्र महिलांना देवाच्या दर्शनासाठी संघर्ष करावा लागतो ही लाजिरवाणी बाब असल्याची खंतही त्यांनी यावेळी बोलून दाखवली.