न्यूझीलंडच्या भारत दौऱ्याचे वेळापत्रक जाहीर

मुंबई : न्यूझीलंडची टीम भारत दौऱ्यावर येत आहे भारतातील नव्या क्रिकेट मोसमाला सप्टेंबरमध्ये सुरवात होणार आहे, या दौऱ्यात न्यूझीलंड ३ कसोटी आणि ५ एकदिवसीय सामन्यांची मालिका खेळवण्यात येणार आहे.

बीसीसीआयने आज न्यूझीलंडच्या भारत दौऱ्याचे वेळापत्रक जाहीर केले. तसेच सामन्यांची ठिकाणेही निश्चित करण्यात आली आहे. भारत आणि न्यूझीलंड यांच्यातील पहिली कसोटी २२ सप्टेंबरपासून कानपूर येथे खेळविली जाणार आहे. 

दुसरा आणि तिसरा कसोटी सामना अनुक्रमे इंदूर आणि कोलकाता येथे खेळविला जाणार आहे. एकदिवसीय सामन्यांच्या मालिकेला १६ ऑक्टोबरपासून सुरवात होणार आहे. टीम इंडिया या मालिकेपूर्वी वेस्ट इंडीजच्या दौऱ्यावर जाणार आहे. या दौऱ्यात टीम इंडिय़ा कसोटी आणि एकदिवसीय सामने खेळणार आहे.

न्यूझीलंडच्या भारत दौऱ्याचे वेळापत्रक

• पहिली कसोटी : २२ ते २६ सप्टेंबर (कानपूर)

• दुसरी कसोटी : ३० ते ०४ ऑक्टोबर (इंदूर)

• तिसरी कसोटी : ०८ ते १२ ऑक्टोबर (कोलकाता)

• पहिली वनडे : १६ ऑक्टोबर (धर्मशाला)

• दुसरी वनडे : १९ ऑक्टोबर (दिल्ली)

• तिसरी वनडे : २३ ऑक्टोबर (मोहाली)

• चौथी वनडे : २६ ऑक्टोबर (रांची)

• पाचवी वनडे : २९ ऑक्टोबर (विशाखापट्टणम)