ऑस्ट्रेलियन ओपन, सानिया-बार्बोरा तिसऱ्या फेरीत

सिडनी : भारताची टेनिसस्टार सानिया मिर्झा आणि तिची चेक रिपब्लिकची जोडीदार बार्बोरा स्ट्रायकोव्हा यांनी ऑस्ट्रेलियन ओपनमध्ये आपला विजयी झंझावात कायम ठेवाताना तिसऱ्या फेरीत मजल मारलीये.

महिला दुहेरीच्या दुसऱ्या फेरीत सानिया-बार्बोराने ऑस्ट्रेलियाची समँथा स्तोसूर आणि चीनची झँग या जोडीला ६-१, ६-४ असे दोन सेटमध्ये सहज पराभूत केले. 

पहिल्या सेटमध्ये सानिया-बार्बोराने स्तोसूर-झँग जोडीवर सहज विजय मिळवला. दुसऱ्या सेटमध्ये स्तोसूर-झँगने कडवी झुंज देण्याचा प्रयत्न केला मात्र सानिया-बार्बोराने तो प्रयत्न हाणून पाडला आणि विजय मिळवत दिमाखात तिसऱ्या फेरीत प्रवेश केला.