खराब कामगिरीनंतर कोहलीची क्रमवारीत घसरण

मुंबई : ऑस्ट्रेलियाविरुद्ध सुरु असलेल्या टेस्ट सीरिजमध्ये खराब कामगिरी केल्यामुळे भारताचा कॅप्टन विराट कोहलीच्या क्रमवारीमध्ये घसरण झाली आहे. आयसीसीच्या टेस्ट बॅट्समनच्या क्रमवारीमध्ये कोहली हा चौथ्या क्रमांकावर फेकला गेला आहे.

या क्रमवारीमध्ये पहिल्या क्रमांकावर ऑस्ट्रेलियाचा स्टिव्ह स्मिथ, दुसऱ्या क्रमांकावर न्यूझीलंडचा केन विलियमसन आणि तिसऱ्या क्रमांकावर इंग्लंडचा जो रूट आहे. बॉलर्सच्या यादीमध्ये आर. अश्विन पहिल्या तर रवींद्र जडेजा दुसऱ्या क्रमांकावर आहे. तर ऑल राऊंडरच्या यादीमध्येही अश्विन पहिल्या क्रमांकावर कायम आहे.