Age Of Consent : 18 की 16 लैंगिक संबंध ठेवण्याचं वय किती असावं? जुन्या काळात होती 10 वर्षांची मर्यादा

तुम्हाला हे जाणून आश्चर्य वाटेल की भारतात 1860 मध्ये मुलींसाठी हे वय 10 वर्षे होते. त्यानंतर 2012 मध्ये हे वय 16 वर्षे करण्यात आलं. 

2012 मध्ये POCSO कायद्यापूर्वी, पुरुषांसाठी संमतीचे वेगळे वय परिभाषित केलेले नव्हते. खरं तर, 'बाल' या शब्दाची व्याख्या IPC किंवा सामान्य कलम कायदा, 1897 अंतर्गत करण्यात आली नव्हती.

1860 मध्ये महिलांचे संमतीचे वय 10 होतं, असं अहवालात म्हटलंय. त्यानंतर, 1891 मध्ये फुलमणी प्रकरणामुळे झालेल्या जनक्षोभानंतर कलम 375 अन्वये मुलींचं संमतीचं वय 12 वर्षे करण्यात आलं.

फुलमणी ही 11 वर्षांची मुलगी होती जिला तिच्या पतीने लैंगिक संबंध ठेवण्यास भाग पाडले आणि रक्तस्रावामुळे तिचा मृत्यू झाला. तिच्या पतीला केवळ निष्काळजीपणामुळे गंभीर दुखापत झाल्याबद्दल किंवा जीवनासाठी धोकादायक कृत्य केल्याबद्दल दोषी ठरविण्यात आले आणि त्याला एक वर्षाच्या सश्रम कारावासाची शिक्षा सुनावण्यात आली.

त्यानंतर, संमतीचं वय 1925 मध्ये 14 वर्षे आणि 1940 मध्ये 16 वर्षे करण्यात आलं. 2012 पर्यंत, जेव्हा POCSO कायदा लागू झाला, तेव्हा मुलींसाठी संमतीचं वय फक्त 16 वर्षे होते आणि पुरुषांसाठी संमतीचे कोणतेही परिभाषित वय नव्हतं.

युनायटेड नेशन्स कन्व्हेन्शन ऑन द राईट्स ऑफ द चाइल्ड 18 वर्षांखालील कोणतीही व्यक्ती म्हणून मुलाला परिभाषित करतं. तर जागतिक स्तरावर संमतीचं वय 13 ते 18 वर्षे आहे.

2008 मध्ये, किशोरवयीन मुलांचं ऑनलाइन फसवणूक होण्याच्या वाढत्या घटना लक्षात घेऊन कॅनडात संमतीचं वय 14 वरून 16 वर्षे करण्यात आली.

फेडरल कायद्यानुसार यूएसमध्ये संमतीचं वय 18 वर्षे आहे. तर ऑस्ट्रेलियामध्ये संमतीचे वय राज्य किंवा प्रदेशानुसार 16 ते 17 वर्षे आहे.

जपानमध्ये 2023 पर्यंत, संमतीचं वय 13 वर्षे आहे तर वयस्कर होण्याचं वय 20 वर्षे आहे. लग्नाचं किमान वय पुरुषांसाठी 18 वर्षे आणि स्त्रियांसाठी 16 आहे.

दक्षिण आफ्रिकेत, संमतीचं वय 16 आहे. तर, 18 वर्षांखालील व्यक्तीची व्याख्या 'मुल' अशी केली जाते.