PHOTO: AC चे स्फोट का होऊ लागलेत? तुम्हीही करत नाही ना `या` चुका; गारेगार हवेच्या नादात आयुष्यभराचं गमावून बसाल
सध्या प्रचंड उकाडा असल्याने एसीचा प्रचंड वापर केला जात आहे. दरम्यान अनेक ठिकाणांहून एसीचा स्फोट झाल्याची प्रकरणं समोर आली आहेत.
नुकतंच गाझियाबादमधील एका सोसायटीत एसीचा स्फोट झाल्याने आग लागली. गेल्या एका महिन्यात अशी 2 प्रकरणं समोर आली आहेत.
हे स्फोट नेमके कशामुळे झाले हे स्पष्ट होऊ शकलेलं नाही. पण अशामध्ये अनेकांच्या मनात एसीमध्ये स्फोट होण्याची नेमकी कारणं काय असतात हा प्रश्न निर्माण झाला आहे.
एसीचा स्फोट होण्याची अनेक कारणं असून यामध्ये सर्वात पहिलं म्हणजे कंप्रेसमरमध्ये लीक होणं. यामुळे स्फोटाची शक्यता फार बळावते.
जर तुम्ही एसी फार कमी तापमानावर वापरत असाल तर एसीला फार मेहनत घ्यावी लागते. यामुळेही दुर्घटना होऊ शकते.
जर तुम्ही एसीची फार काळ सर्व्हिसिंग केली नसेल आणि अस्वच्छ फिल्टरसह वापरत असाल तर तुमच्यासाठी त्रासदायक ठरु शकतं.
जर तुम्हाला दुर्घटना टाळायची असेल तर वेळोवेळी एसीचं सर्व्हिसिंग करत राहा.
याशिवाय एसीचा वापर करताना ओव्हर कुलिंग टाळायला हवं. तसंच मोठ्या खोलीसाठी छोटा एसी वापरणंही धोकादायक असतं.