अंबानी फॅमिलीमध्ये प्री वेडिंगचं नाव ठेवलंय La Vite E Un Viaggio... याचा नेमका अर्थ काय?

जामनगरमध्ये झालेल्या या प्री-वेडिंगला जगभरातील अनेक दिग्गज आले होते. आता 29 मे रोजी इटलीहून निघणाऱ्या आलिशान क्रूझवर दुसऱ्यांदा प्री-वेडिंग होणार आहे.

सेलिब्रेशनमध्ये जगभरातील प्रसिद्ध सेलिब्रिटी आणि बॉलिवूड सेलिब्रिटी सहभागी झाले आहेत. इटलीपासून सुरू झालेला हा सोहळा 1 जून रोजी स्वित्झर्लंडमध्ये पूर्ण होणार आहे.

तुम्हाला माहिती नसेल तर अंबानींच्या या दुसऱ्या प्री-वेडिंग सोहळ्याला खास नाव देण्यात आलंय. त्याचं नाव... ला विटे ई अन विएजिओ (La Vite E Un Viaggio)

दातखिळी बसेल असं हे नाव ऐकून तुम्हीही चकित झाला असाल, पण हे इटालियन नाव आहे. या La Vite E Un Viaggio याचा नेमका अर्थ काय? जाणून घ्या

अनंत अंबानी आणि राधिका मर्चंट यांच्या लग्नाआधीच्या आमंत्रण पत्रिकेवर 'ला विटे ई अन विएजिओ' लिहिलेलं आहे. याचा अर्थ 'जीवन एक प्रवास आहे' असा होतो.

प्री-वेडिंग फंक्शन 29 मे रोजी क्रूझ जहाजावर वेलकम लंचने सुरू झालं. त्यानंतर संध्याकाळी स्टोरी नाईट होईल. त्यानंतर रोमन हॉलिडे या थीमवर उत्सव साजरा केला जाईल.

दरम्यान, 29 मे ते 1 जून याकाळात फ्रान्समध्ये अनंत-राधिकाचं प्री-वेडिंग पार पडणार आहे. मीडिया रिपोर्टनुसार, अनंत अंबानी आणि राधिका मर्चेंट 12 जुलै 2024 रोजी लग्नबंधनात अडकणार आहेत.