Photos: `कोणताही नागपूरकर नाही म्हणू शकत नाही` अशा गोष्टीसाठी फडणवीसांचा ताफा अचानक थांबला अन्...
नागपूरकराच्या आयुष्यातील सर्वात महत्त्वाच्या भागाला कोणी नाही कसं म्हणू शकतं? असा म्हणत फडणवीस यांनी काही खास फोटो शेअर केले आहेत.
हे फोटो आहेत फडणवीस यांनी रविवारी सायंकाळी नागपूरमधील एका टपरीवर अचानक ताफा थांबवून केलेल्या छोट्या टी-पार्टीचे! या टी-पार्टीमध्ये नागपूरकरही सहभागी झाले.
फडणवीस यांनी शेअर केलेले फोटो हे नागपूरमधील असून त्यांच्याबरोबर अन्य काही पदाधिकारीही यावेळेस उपस्थित होते.
फडणवीसांनी आपण या चहाचा प्रत्येक घोट एन्जॉय केल्याचं कॅप्शनमध्ये म्हटलं आहे.
नागपूरमध्ये आज चहाचे घोट घेत स्थानिकांबरोबर गप्पा मारल्या. या गप्पा ही मी फार एन्जॉय केल्या असं फडणवीसांनी रविवारी (9 जुलै 2023 रोजी) शेअर केलेल्या फोटोंना कॅप्शन देताना म्हटलं आहे.
अचानक राज्याचे उपमुख्यमंत्री तथा गृहमंत्री टपरीवर चहा पिण्यासाठी थांबल्याचं पाहून या टपरीभोवती नागपूरकरांनी गर्दी केली.
बऱ्याच जणांनी फडणवीसांबरोबर गप्पा मारल्या. आपल्या तक्रारी सांगण्यापासून ते चहाबद्दलच्या गप्पा यावेळी झाल्या.
अनेकांनी फडणवीस यांच्याकडे सेल्फीची विनंती केली. ही विनंती फडणवीस यांनी पूर्ण केली.
फडणवीस यांनी चहाच्या टपरीवर काम करणाऱ्या वयस्कर मालकाचीही चौकशी केली. त्यांच्याबरोबरही फडणवीस यांनी गप्पा मारल्या.
हे फोटो शेअर करताना फडणवीस यांनी ही 'चाय पे चर्चा' होती असंही कॅप्शनमध्ये म्हटलं आहे.
शेवटी चहा टपरीच्या मलाकाला नमस्कार करुन फडणवीस आपल्या पुढील कार्यक्रमासाठी रवाना झाले.
फडणवीस हे चहाप्रेमी असल्याचा उल्लेख करत अनेकांनी त्यांच्या या साधेपणाचं कौतुक कमेंट बॉक्समध्ये केलं आहे.