...म्हणून सानिया मिर्झाने केलेलं शोएब मलिकशी लग्न
सानियाने पाकिस्तानी क्रिकेटर शोएब मलिकसोबत विवाह केला होता. मात्र काही वर्षातच त्यांनी घटस्फोट घेतला.
सानियाने लग्नानंतर एका रिअॅलिटी शोमध्ये हजेरी लावली होती. याचा एक व्हिडीओ सध्या सोशल मीडियावर व्हायरल होत आहे.
या कार्यक्रमाचे सूत्रसंचालन अभिनेता शाहरुख खानने केले होते. यावेळी शाहरुखने सानियाला शोएबसोबत लग्न करण्यावरुन एक प्रश्न विचारला होता.
'तू शोएबमध्ये असं काय पाहिलंस की, तुला त्याच्याशी लग्न केलं' असा प्रश्न शाहरुखने यावेळी तिला विचारला. यावर तिने फारच थोडक्यात उत्तर दिले.
शाहरुखच्या प्रश्नावर सानिया म्हणाली की, 'मी त्याच्यात नक्की काय पाहिलं हे मला माहिती नाही. पण शोएब खूप लाजाळू आणि शांत आहे. त्याला माणसांशी गप्पा मारणं शिकवावं लागेल.
दरम्यान सानियासोबत घटस्फोट घेतल्यानंतर शोएब मलिक तिसऱ्यांदा विवाहबंधनात अडकला. त्याने पाकिस्तानी अभिनेत्री सना मलिकसोबत निकाह केला.
सोशल मीडियावर त्यांच्या तिसऱ्या लग्नाचे फोटो आणि व्हिडीओ चांगलेच व्हायरल झाले होते. यावरुन शोएबला ट्रोलिंगचाही सामना करावा लागला होता.
शोएबसोबत घटस्फोट घेतल्यानंतर आता सानिया मिर्झाच्या दुसऱ्या लग्नाची चर्चा रंगली आहे. सानिया लवकरच मोहम्मद शमीशी लग्न करणार असल्याचे बोललं जात आहे. मात्र अद्याप यावर त्या दोघांनीही कोणतीही प्रतिक्रिया दिलेली नाही.