भारताविरुद्ध खेळणार 140 किलोचा `जगातील सर्वाधिक वजनदार खेळाडू`; रोहित शर्माचं टेन्शन वाढलं

West Indies announce 13-man squad for 1st Test vs Team India: वेस्ट इंडिजने भारताविरुद्धच्या पहिल्या कसोटी सामन्यासाठी आपल्या संघाची घोषणा केली आहे. या टीममध्ये 2 अनकॅप्ड म्हणजेच यापूर्वी कधीही अंतरराष्ट्रीय क्रिकेट न खेळलेल्या खेळाडूंचा समावेश आहे. यात जगातील सर्वात जास्त वजन असलेल्या एका खेळाडूचाही समावेश आहे.

विशेष म्हणजे भारताविरुद्धच्या सामन्यात 'जगातील सर्वात वजनदार खेळाडू' म्हणून ओळख असलेला फिरकीपटू रहकीम कॉर्नवॉललाही (Rahkeem Cornwall) संधी देण्यात आली आहे. 

वेस्ट इंडिजच्या संघाने त्यांच्या घरगुती मैदानांवर होणाऱ्या 2 कसोटी सामन्यांपैकी पहिल्या कसोटी सामन्यासाठी अनेक आश्चर्यकारक नावांचा समावेश असलेल्या संघाची घोषणा केली आहे. विशेष म्हणजे या सामन्यामधून दोन्ही संघ पुढील आयसीसी टेस्ट चॅम्पियनशिपसाठीचा श्री गणेशा करतील.

भारत आणि वेस्ट इंडिज दरम्यानचा पहिला कसोटी सामना 12 जुलैपासून डोमिनिका येथील विंडसर पार्क येथे सुरु होणार आहे. त्यानंतर दुसरी कसोटी 20 जुलै रोजी त्रिनिनादमधील क्विन्स पार्क ओव्हलच्या मैदानात होणार आहे.

भारताविरुद्धच्या संघात रहकीम कॉर्नवॉलला स्थान दिल्याबद्दल आश्चर्य व्यक्त केलं जात आहे. रहकीम कॉर्नवॉल तब्बल 2 वर्षानंतर पहिल्यांदाच कसोटी सामना खेळणार आहे. 

रहकीम कॉर्नवॉल आपला पहिला कसोटी सामना 2021 मध्ये नोव्हेंबर महिन्यात श्रीलंकेविरुद्ध खेळला होता. तो गॉल येथील मैदानात हा कसोटी सामना खेळला होता.

रहकीम कॉर्नवॉलच्या कसोटी कारकिर्दीबद्दल सांगायचं झाल्यास त्याने 9 सामन्यांमध्ये 34 गडी बाद केले आहेत.

रहकीम कॉर्नवॉल चांगला फलंदाजही आहे. त्याने 9 सामन्यांमध्ये 238 धावा केल्या आहेत. त्याची सर्वोच्च धावसंख्या 73 इतकी आहे.

रहकीम कॉर्नवॉलचं वजन 140 किलो आहे. तो जगातील सर्वात जास्त वजन असलेल्या क्रिकेटपटू आहे.

वेस्ट इंडिज संघामध्ये फिरकी गोलंदाज म्हणून संधी मिळण्यासाठी पहिली पसंती असलेला गुडाकेश मोटी हा जायबंदी असल्याने रहकीम कॉर्नवॉलला संघात स्थान मिळालं आहे.

रहकीम कॉर्नवॉलची कामगिरी पाहता भारतीय संघाला म्हणजेच रोहित अॅण्ड कंपनीसमोर फिरकी गोलंदाजी खेळून काढण्याचं आव्हान असेल.