मुंबई Relationship Tips : बहुतेक लोकांच्या आयुष्यात अशी वेळ येते जेव्हा त्यांना शारीरिक आकर्षण आणि प्रेम याच्यातील फरक कळत नाही. प्रेम आणि शारीरिक आकर्षण या दोन भिन्न गोष्टी आहेत हे त्यांना समजणे कठीण होते. जर तुम्ही देखील त्यापैकी एक असाल तर आम्ही तुमच्यासाठी काही टिप्स घेऊन आलो आहोत, ज्याच्या मदतीने तुम्ही हा फरक सहज समजू शकाल.


COMMERCIAL BREAK
SCROLL TO CONTINUE READING

Relationship Tips : कधीकधी प्रेम आणि शारीरिक आकर्षण यांच्यात फरक करणे खूप गोंधळात टाकणारे असू शकते. तुम्ही अनेकदा आकर्षणाला प्रेम समजण्याची चूक करू शकता. तुम्ही एखाद्याकडे आकर्षित होऊ शकता परंतु याचा अर्थ असा नाही की तुम्ही त्याच्यावर प्रेम करता.


कधीकधी, एखाद्या व्यक्तीवर प्रेम करीत असूनही आपण तिसऱ्या व्यक्तीकडे आकर्षित होऊ शकतो. यासाठी तुम्हाला अपराधी वाटले पाहिजे का? हे आवश्यक नाही. कारण एखाद्याकडे आकर्षित होणे हा मानवी स्वभाव आहे. पण जेव्हा तुम्ही रिलेशनशिपमध्ये कमिटमेंट करता आणि नंतर तुम्ही दुसऱ्याकडे शारीरिकदृष्ट्या आकर्षित होतात. काही वेळा एक्स्ट्रा मॅरिटल अफेअर किंवा चिंटींग यासारख्या परिस्थिती केवळ शारीरिक आकर्षणामुळे उद्भवतात. 


या कारणामुळे तुम्ही संभ्रमात असता


आकर्षण कधीकधी उत्कटतेमध्ये बदलू शकते. आपण त्या व्यक्तीचा विचार करणे, बोलणे किंवा कल्पना करणे थांबवू शकत नाही. आणि त्याच्यासोबत राहण्याची इच्छा इतकी प्रबळ असते की त्या व्यक्तीसोबत राहण्यासाठी तुम्ही काहीही करायला तयार असता.
परंतू आकर्षण फार काळ टिकत नाही. परंतू, प्रेमाच्या बाबतीत, आकर्षण हा एक भाग असू शकतो परंतु तो व्यक्तीला पूर्णपणे काढून टाकत नाही.


शरीरामुळे आकर्षण


आकर्षण शारीरिक असते आणि त्यात वासना असते. काही इच्छा पूर्ण झाल्यानंतर, तुम्ही पूर्वीसारखे त्या व्यक्तीकडे आकर्षित होत नाही. म्हणजे तुमची आवड बर्‍याच प्रमाणात कमी होते. काही तज्ज्ञांचे असे मत आहे की, आकर्षण केवळ शारीरिक नसते, एखाद्या व्यक्तीच्या ज्ञान किंवा व्यक्तिमत्त्वाकडे देखील आकर्षित केले जाऊ शकते. जेव्हा आपण एखाद्याच्या प्रेमात असतो तेव्हा ती भावना नि:स्वार्थ आणि बिनशर्त असते.


आकर्षण संपल्यानंतर संबध कमी


आकर्षणाची एक खासियत अशी आहे की ते माणसाला वेड लावू शकते.  एकदा का शारीरिक आकर्षण संपले की त्या व्यक्तीची आठवण काढणं कमी होत किंवा आठवणही येत नाही.


 पण जेव्हा तुम्ही प्रेमात असाल आणि तुमचं नातं अर्धवट किंवा अपूर्ण असेल किंवा तुमच्या प्रेमाला योग्य दिशा मिळाली नसेल तर, तर अनेक महिने किंवा वर्ष तुम्हाला नेहमीच वेदना जाणवतील. 


ब्रेक-अपच्या बाबतीतही असेच आहे. जेव्हा तुम्ही तुमच्या प्रिय व्यक्तीपासून विभक्त होता, तेव्हा ते विसरायला अनेक दशके लागतात. मानसिक त्रासही होतो. संबधित व्यक्तीची अनेकदा आठवत येतेच.. अशी परिस्थिती खऱ्या प्रेमात निर्माण होते.