Mercury Transits 2024 : वैदिक ज्योतिषशास्त्रात बुध हा ग्रहांचा राजकुमार मानला जातो. बुधदेव हा बुद्धिमत्ता, ज्ञान, विचार करण्याची क्षमता आणि उत्तम तर्कशक्तीचा कारक मानला गेला आहे. येत्या 1 फेब्रुवारी 2024 ला बुध मकर राशीत गोचर करणार आहे. मकर राशीतील बुधाचं संक्रमण अनेक राशींसाठी शुभ असलं तरी काही लोकांसाठी ते घातक ठरणार आहे. या लोकांना अनेक समस्यांना सामोरे जावे लागणार आहे. या राशीच्या लोकांना प्रत्येक कामात अडथळ्यांचा सामना करावा लागणार असून त्या कोणत्या राशी आहेत जाणून घ्या. (Budh Gochar 2024 Transit of Mercury inauspicious for these zodiac signs Disruption of every work with financial loss)


कर्क रास (Cancer Zodiac)   


COMMERCIAL BREAK
SCROLL TO CONTINUE READING

या राशीच्या लोकांसाठी बुध तिसऱ्या घराचा स्वामी असून तो  या राशीच्या सातव्या घरात येणार आहे. बुध आपल्या अनुकूल राशीत स्थित आहे त्यामुळे चढत्या ग्रहाच्या दृष्टीकोनातून तो अनुकूल ग्रह मानला गेला नाही. या राशीचे लोक व्यवसायाशी संबंधित खूप नुकसान सहन करावं लागणार आहे. व्यावसायिक संपर्कात व्यत्यय येणार आहे. तुमच्या जोडीदारासोबत वादाची परिस्थिती निर्माण होणार आहे. या राशीच्या लोकांची आर्थिक स्थिती बिघणार आहे. या काळात केलेले प्रवास तुमच्यासाठी नुकसानदायी ठरणार आहे. 


धनु रास (Sagittarius Zodiac) 


या राशीसाठी बुध सातव्या आणि दहाव्या घराचा स्वामी असून बुध तुमच्या दुसऱ्या घरात असणार आहे. बुधाच्या या संक्रमणामुळे तुम्हाला तुमच्या कामात समाधान वाटणार नाही. तुमच्या करिअरमध्ये अनेक प्रकारचे अडथळे येनार आहे. तुम्हाला तुमच्या जोडीदारासोबतच्या नात्यातही समस्यांना सामोरे जावे लागणार आहे. वैवाहिक जीवनात तणाव वाढणार आहे. या काळात तुम्हाला तुमच्या मेहनतीचे फळ काही केल्या मिळणार नाही. तुमच्या व्यवसायात अनेक प्रकारच्या समस्या येणार आहे. जोडीदारासोबत तुमचा वाद टोकाला जाण्याची शक्यता आहे. 


या उपायांमुळे मिळेल दिलासा!


बुध ग्रहाचा अशुभ प्रभाव टाळण्यासाठी तुम्ही भगवान बुधाचा मंत्र 'ओम ब्रम ब्रम ब्रम सह बुधाय नमः' या मंत्राचा जप फायदेशीर ठरणार आहे. बुध ग्रहाला शांत करण्यासाठी पोपट, कबूतर आणि इतर पक्ष्यांना धान्य खायला द्या. कामाच्या आधी दिवसातून एकदा तरी गायीला चारा देणे शुभ मानले गेले आहे. यामुळे बुध संतुलित राहतो असं म्हणतात. पालक आणि इतर पालेभाज्या यांसारख्या हिरव्या भाज्या बुधवारी दान केल्याने बुध ग्रहाच्या अशुभ प्रभावापासून आराम मिळतो, असं म्हणतात. भिजवलेले हरभरे पक्ष्यांना खायला दिल्याने कुंडलीत असलेला कमजोर बुधही मजबूत होतो, असं वैदिक ज्योतिषशास्त्रात सांगण्यात आलं आहे. 


(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)