Horoscope 8 July : या राशीच्या व्यक्तींनी आज शेअर मार्केटमध्ये गुंतवणूक करणं टाळावं!

मुंबई : मेष राशीच्या लोकांसाठी आजचा दिवस विशेष आनंद देणारा असणार आहे. वृषभ राशीच्या लोकांच्या कामाचं विशेष कौतुक केलं जाऊ शकतं. जाणून घ्या तुमचं राशीभविष्य कसं असणार आहे. 

मेष

सामाजिक क्षेत्रात काम करणाऱ्या लोकांसाठी आजचा दिवस चांगला जाणार आहे. या व्यक्तींना आज नोकरीत प्रमोशन मिळण्याची शक्यता आहे. जोडीदारासोबत एखाद्या गोष्टीवरून वाद होण्याची शक्यता आहे.

वृषभ

वडिलधाऱ्या व्यक्तींकडून तुम्हाला आज मोलाचा सल्ला मिळणार आहे. ऑफिसमध्ये तुमच्या कामाचे विशेष कौतुक केलं जाऊ शकतं. शिवाय नोकरीमध्ये मोठा बदल होण्याची शक्यता आहे.

मिथुन

या राशीच्या व्यक्ती जर आजच्या दिवशी नोकरीत बदल करण्याचा विचार करत असतील, तर काळजीपूर्वक निर्णय घ्यावा. मनाला आवडणारं काम करण्याची संधी मिळू शकते.

कर्क 

आजच्या दिवशी संयम बाळगा. अर्धवट राहिलेली कामं आजच्या दिवशी पूर्ण करा. अन्यथा नंतर त्याचा त्रास होऊ शकतो. पैसे जपून खर्च करा. आर्थिक समस्यांमुळे आज तुम्ही त्रासलेले असाल.

सिंह

नकारात्मक विचार करणाऱ्या लोकांपासून दूर राहा. व्यस्त वेळापत्रकातून थोडा वेळ काढून तुमच्या कुटुंबाला द्या. एखाद्या ठिकाणी योग्य विचार करून पैसा गुंतवा.

कन्या

आजच्या दिवशी तुम्हाला तुमच्या वागण्यात आणि बोलण्यात संयम बाळगावा लागणार आहे. आर्थिक लाभ होण्याचीही शक्यता आहे.

तूळ

नकारात्मक विचारांचा प्रभाव दिसून येण्याची शक्यता आहे. शिवाय आजच्या दिवशी जोडीदारासोबत वैचारिक मतभेद होऊ शकतात. घरातील एखादी समस्या सोडवायची असल्यास घरातील ज्येष्ठांचा सल्ला घेणं फायदेशीर ठरेल.

वृश्चिक

आजचा दिवस व्यवसाय करणाऱ्यांसाठी अतिशय लाभदायी असणार आहे. प्रवास करताना आजच्या दिवशी तुमच्या आरोग्याची काळजी घ्यावी. 

धनू

आजचा दिवस तुमच्यासाठी आनंददायी असणार आहे. मालमत्तेशी संबंधित प्रकरणं निकाली लागण्याची शक्यता आहे. नोकरदार वर्गाला आनंदाची बातमी मिळण्याची शक्यता आहे

मकर

छोट्या गोष्टींमुळे मित्रांसोबत भांडू नका. शेअर मार्केटमध्ये गुंतवणूक करु नका. तोटा होण्याची शक्यता आहे. कुटुंबीयांसमवेत एखाद्या नव्या गोष्टीचा अनुभव घेण्याची संधी तुम्हाला मिळणार आहे. अडकलेली कामं मार्गी लागणार आहेत. 

कुंभ

मित्रांसोबत भेट होईल. आजची कामे उद्यावर टाकू नका. आवडीचे पदार्थ खाण्याचा आणि इतरांना खाऊ घालण्याचा आज दिवस आहे. कोणत्यागी गोष्टीची अती चिंता बरी नाही. वर्तमानात जगा.  

मीन 

धनलाभाचा योग आहे. नोकरीमध्ये आजचा दिवस बरंच यश आणणारा ठरेल. वरिष्ठांकडून शाबासकीची थाप मिळेल. कामातून वेळ काढून स्वत:लाही वेळ द्या. आरोग्याची काळजी घ्या.