Navratri Kanya Poojan 2022 : अष्टमी आणि नवमीला कन्या पूजन कसे कराल, जाणून घ्या योग्य पद्धतीसह विधी

What Is Kanya Poojan : 26 सप्टेंबर २०२२ पासून शारदीय नवरात्रीला सुरुवात झाली आहे. नवरात्रीमध्ये आईच्या नऊ रूपांची पूजा केली जाते. जाणून घेऊया कन्या पूजन तिथी, पूजा पद्धत आणि शुभ मुहूर्त.

Navratri Kanya Pujan 2022 :  कन्या पूजन (Kanya Poojan) हे नवरात्रौत्सवादरम्यान कधीही करता येते. मात्र बहुतांश लोक हे अष्टमी किंवा नवमीच्या दिवसाला अधिक श्रेष्ठ मानतात. देवीचे रुप मानल्या जाणाऱ्या कन्यांची पूजा केल्याशिवाय नवरात्रौत्सवाची (Navratri 2022) पूजा अपूर्ण राहिल्याचे मानले जाते. (navratri kanya pooja 2022)

काही लोक उपवासाच्या अखेरच्या दिवशी म्हणजेच नवमीला कन्या पूजन करतात. परंतु लक्षात ठेवणे गरजेचे आहे की, कन्या पूजन करताना तुमच्या हातून कोणतीही चूक होऊ नये. जाणून घेऊया कन्या पूजन (Kanya Poojan) तिथी, पूजा पद्धत आणि शुभ मुहूर्त.

कन्या पूजन करताना देवी भगवतीचा आशीर्वाद मिळवू शकता. कारण यामध्ये आदि शक्तीचा वास असतो. कन्या पूजन करताना लक्षात ठेवा की, मुलींचे वय हे 2-10 वर्षादरम्यान असावे. त्याचसोबत एका लहान मुलाला सु्द्धा आमंत्रित करावे. आदि शक्तींची सेवा आणि सुरक्षिततेसाठी भगवान शंकर यांनी प्रत्येक शक्तीपीठासह एक-एक भैरव यांना सुद्धा ठेवले आहे. यासाठी देवी सोबत यांची सुद्धा पूजा करणे महत्वाचे मानले जाते. 

अष्टमी - 3 ऑक्टोबर 2022

अष्टमी तिथी सुरू होते - 2 ऑक्टोबर 2022 संध्याकाळी 6 वाजून 47 मनिटांनी

अष्टमी तिथी संपेल - 3 ऑक्टोबर 2022 दुपारी 4 वाजून 37 मिनिटांनी

नवमी - 4 ऑक्टोबर 2022

नवमी तिथी सुरू होते - 3 ऑक्टोबर 2022 दुपारी 4 ववाजून 37 मिनिटांनी

नवमी तिथी संपेल - 4 ऑक्टोबर 2022 दुपारी 2 वाजून 20 मिनिटांनी

कन्या पूजा पद्धत

- कन्यापूजेसाठी नऊ मुली आणि एक मुलगा आवश्यक आहे. नऊ मुलींना मातेचे रूप आणि मुलाचे भैरवाचे रूप मानले जाते.

- जर तुम्हाला नऊ मुली मिळत नसतील तर तुमच्याकडे जेवढ्या मुली आहेत तेवढ्याच मुलींची पूजा करा. उरलेल्या मुलींचे अन्न गायीला खाऊ घालावे.

- सर्व प्रथम मुली आणि मुलांचे पाय स्वच्छ पाण्याने धुवा आणि त्यांना आसनावर बसवा.

- त्यानंतर सर्व मुली आणि मुलांच्या कपाळी टिळा लावा.

- यानंतर मुलींची व मुलाची भैरवाच्या रूपात आरती करावी.

- मुलींना खायला द्या. मुलींना अन्नदान करण्यापूर्वी मंदिरात आईला प्रसाद अर्पण करावा.

- मुलींचे जेवण झाल्यावर त्यांना प्रसादाच्या स्वरूपात फळे द्यावीत आणि त्यांच्या क्षमतेनुसार दक्षिणा द्यावी.

- भैरव म्हणून सर्व मुली आणि मुलाचे पाय स्पर्श करा.

- मुलींना सन्मानाने निरोप द्या. असे मानले जाते की मुलींच्या रूपात फक्त माता येतात.