August Grah Gochar 2024: वैदिक ज्योतिषशास्त्रानुसार, प्रत्येक ग्रह एका ठराविक वेळेनुसार त्यांच्या राशीमध्ये बदल करतात. यावेळी काही ग्रह दर महिन्याला त्यांची राशी बदलतात. ज्याचा प्रभाव मानवी जीवनावर आणि देशावर दिसून येतो. येत्या ऑगस्ट महिन्यात सूर्य, बुध, शुक्र आणि मंगळाचं गोचर होणार आहे. याशिवाय अनेक ग्रहांची रासही बदलणार आहे. 


COMMERCIAL BREAK
SCROLL TO CONTINUE READING

वैदिक ज्योतिष्य शास्त्रानुसार, ऑगस्ट महिन्यात त्रिग्रही, बुधादित्य आणि समसप्तमक योगही तयार होणार आहे. ज्याचा सर्व राशीच्या लोकांवर परिणाम होण्याची शक्यता आहे. मात्र यावेळी काही राशी अशा आहेत ज्यांच्या आयुष्यात मोठे बदल होणार आहे. या राशींना नवीन नोकरीसह व्यवसायात चांगला नफा मिळू शकतो. जाणून घेऊया कोणत्या राशींच्या यामध्ये समावेश आहे. 


मेष रास (Aries Zodiac)


ऑगस्ट महिना तुमच्यासाठी फायदेशीर ठरू शकतो. त्यामुळे या काळात तुम्हाला तुमच्या मुलाशी संबंधित चांगली बातमी मिळू शकते. तुमच्या सुख-सुविधांमध्येही वाढ होणार आहे. तुम्हाला नशिबाची पूर्ण साथ मिळू शकणार आहे. वैवाहिक जीवनही चांगले जाणार आहे. उत्पन्नाचे नवीन मार्ग खुले होतील. गुंतवणुकीतून नफा मिळण्याचीही शक्यता आहे. बेरोजगारांना नवीन नोकरीच्या संधी मिळतील.


मकर रास (Makar Zodiac)


मकर राशीच्या लोकांसाठी ऑगस्ट महिना अनुकूल ठरू शकतो. समाजात तुमची वेगळी ओळख निर्माण करण्यातही तुम्ही यशस्वी व्हाल. पगारात वाढ आणि नोकरीत बढतीची शक्यता आहे. तुम्ही पैशांची बचत करण्यातही यशस्वी होऊ शकता. या महिन्यात तुम्ही वाहन आणि मालमत्ता खरेदी करण्याचा विचार करू शकता. तुम्ही नवीन लोकांशी संबंध निर्माण कराल.


कन्या रास (Kanya Zodiac)


ऑगस्ट महिना तुमच्यासाठी शुभ आणि फलदायी ठरू शकतो. या काळात तुम्हाला तुमच्या मुलाशी संबंधित काही चांगली बातमी मिळू शकते. नोकरदार लोकांना कामाच्या ठिकाणी नवीन जबाबदाऱ्या मिळू शकतात. वडील आणि मित्रांच्या मदतीने प्रत्येक क्षेत्रात यश मिळवता येणार आहे. या काळात तुम्ही तुमचा व्यवसाय पुढे नेण्याचा विचार करू शकता. स्पर्धात्मक विद्यार्थ्यांना काही परीक्षेत यश मिळू शकते.


( Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )