धनत्रयोदशीला धणे का खरेदी करावेत? एका क्लिकवर पाहा या प्रश्नाचं उत्तर

Dhanteras 2022: सणांचा महिना म्हणून ऑक्टोबरला ओळखले जाते. दसरा, धनत्रयोदशी, दिवाळी आणि भाऊभीज यासारखे मोठे सण याच महिन्यात येतात. या सणांमुळे अनेकांची घरे उजळून निघतात. यावर्षी धनत्रयोदशीचा सण रविवार 23 ऑक्टोबर रोजी साजरा केला जाणार आहे. धनत्रयोदशीच्या दिवशी लोक नवीन भांडी आणि सोन्या-चांदीचे दागिने खरेदी करतात. 

धनत्रयोदशीच्या दिवशी नवीन वस्तू खरेदी करणे खूप शुभ मानले जाते. त्यामुळेच बाजारपेठेत दागिने, भांडी यासह सर्वच वस्तू खरेदी करणाऱ्यांची गर्दी पाहायला मिळते. पण तुम्हाला माहिती आहे का की धनत्रयोदशीच्या दिवशी भांड्यासोबत धणे खरेदी करणे खूप शुभ असते. आज आम्ही तुम्हाला धणे खरेदी करण्यामागील कारण सांगणार आहोत. (Why buy coriander on Dhantrayodashi nz)

धनत्रयोदशीच्या दिवशी धणे खरेदी करणे शुभ का आहे?

धनत्रयोदशीच्या दिवशी धणे खरेदी करणे खूप शुभ मानले जाते. असे म्हटले जाते की देवी लक्ष्मीला प्रसन्न करण्यासाठी धणे खूप चांगले आहे. यामुळे लोक इतर खरेदीबरोबरच धणेही खरेदी करतात. शहरांमध्ये धनत्रयोदशीच्या दिवशी लोक सहसा सुके धणे खरेदी करतात. अनेक गावांमध्ये तर गूळ आणि धणे एकत्र करून नैवेद्य बनवला जातो. आई लक्ष्मीला प्रसन्न करण्यासाठी धणे आणि गुळापासून बनवलेला नैवेद्य शुभ मानला जातो. आम्ही तुम्हाला हे देखील सांगतो की धनत्रयोदशीच नाही तर लक्ष्मी देवीच्या पूजेदरम्यान धणे वापरणे खूप शुभ मानले जाते.

पूजेनंतर तिजोरीत धणे ठेवा

आई लक्ष्मीला प्रसन्न करण्यासोबतच आर्थिक स्थिती सुधारण्यासाठी धनत्रयोदशीच्या दिवशी धणे खरेदी करणे देखील चांगले मानले जाते. या दिवशी धणे खरेदी केल्याने तुम्हाला तुमच्या मनासारख्या गोष्टी मिळतात, असे म्हणतात. त्याचबरोबर पूजेच्या वेळी देवी लक्ष्मीला धणे अर्पण करा आणि पूजेनंतर धणे तिजोरीत ठेवणे शुभ असते.

या गोष्टी विकत घेणे चांगले

धनत्रयोदशीच्या संपूर्ण दिवसात खूप चांगले योगायोग असतात. अशा स्थितीत तुम्ही या दिवशी कोणतेही शुभ कार्य करू शकता. धनत्रयोदशीच्या दिवशी तुम्ही धणे खरेदी करण्याव्यतिरिक्त झाडू, गोमती चक्र आणि मेकअपच्या वस्तू देखील खरेदी करू शकता. या सर्व गोष्टी अतिशय शुभ मानल्या जातात.

(Disclaimer: वरील माहिती सामान्य ज्ञानावर आधारित आहे. दैनंदिन आयुष्यात याचा वापर करायचा झाल्यास तज्ज्ञांचा सल्ला घ्यावा.)