World Record: 103 चेंडू.. 27 चौकार आणि 7 षटकार, या फलंदाजाने वेगवान द्विशतक झळकावून मोडला विश्वविक्रम
Fastest Double Century: क्रिकेटमध्ये सर्वात जलद द्विशतक झळकावण्याचा विश्वविक्रम मोडला गेला आहे. हा विक्रम ट्रॅव्हिस हेड आणि नारायण जगदीसन यांच्या नावावर होता, जो दुसऱ्या फलंदाजाचा नावावर झाला आहे.
Fastest Double Hundred: न्यूझीलंडचा फलंदाज चॅड बोवेसने पुरुषांच्या लिस्ट ए मध्ये सर्वात जलद द्विशतक झळकावण्यात ट्रॅव्हिस हेड आणि नारायण जगदीसन यांना मागे टाकले आहे. बुधवारी फोर्ड ट्रॉफीमध्ये ओटागो विरुद्ध कँटरबरीसाठी खेळताना बोवेसने 103 चेंडूत दुहेरी शतक पूर्ण केले आणि अखेरीस तो 110 चेंडूत 205 धावांवर बाद झाला.
मैदानावरचे वादळ
बोवेसने त्याच्या 100 व्या लिस्ट ए सामन्यात 27 चौकार आणि सात षटकार मारून, हॅगले ओव्हल, क्राइस्टचर्च येथे 343/9 नंतर कँटरबरीला मदत करत एक उत्तम कामगिरी केली. त्याने 26 चेंडूत आपले अर्धशतक पूर्ण करून झंझावाती खेळीची सुरुवात केली. यानंतर त्याने 53 चेंडूत आपले शतक पूर्ण केले आणि पुढच्या 50 चेंडूंमध्ये द्विशतक केले.
सर्वात वेगवान द्विशतक ठोकले
पुरुषांच्या लिस्ट ए क्रिकेटमध्ये सर्वात वेगवान द्विशतक झळकावण्याचा यापूर्वीचा विक्रम हेड आणि जगदीसन यांच्या नावावर होता, ज्यांनी 114 चेंडूत ही कामगिरी केली होती. हेडने 2021/22 मार्श कपमध्ये क्वीन्सलँड विरुद्ध दक्षिण ऑस्ट्रेलियासाठी पराक्रम गाजवला, तर जगदीसनने 2022/23 विजय हजारे ट्रॉफीमध्ये अरुणाचल प्रदेश विरुद्ध तामिळनाडूसाठी विक्रमी 277 धावा केल्या.
काय म्हणाला चॅड बोवेस?
न्यूझीलंड क्रिकेट (NZC) च्या एका व्हिडीओमध्ये बोवेस म्हणाला, "हे पुढच्या एक-दोन दिवसांत समजू शकेल, परंतु हे स्पष्ट आहे की हॅगलीमध्ये तो एक चांगला दिवस होता आणि काहीतरी विशेष करण्याची ही चांगली संधी होती. या गोष्टी नैसर्गिकरित्या घडतात. तुम्ही यासाठी प्लॅन करावा लागत नाही, म्हणून मला आनंद आहे की तो माझा दिवस होता."