IPL 2019: विश्रांतीनंतर मुंबई पुन्हा मैदानात, चेन्नईमध्ये कसून सराव

चेन्नई : मोठ्या विश्रांतीनंतर मुंबईच्या टीमने पुन्हा एकदा कसून सराव करायला सुरुवात केली आहे. चेन्नईच्या एमए चिदंबरम स्टेडियममध्ये मुंबईच्या खेळाडूंनी घाम गाळला. जवळपास आठवड्यानंतर शुक्रवारी मुंबईची टीम पुन्हा एकदा मैदानात उतरणार आहे. याआधी मुंबई शनिवारी राजस्थानविरुद्ध खेळली होती. या सामन्यात त्यांचा ५ विकेटने पराभव झाला होता. या मॅचनंतर आता मुंबईचा सामना सहा दिवसानंतर होणार आहे.

मुंबईच्या खेळाडूंना आराम मिळावा, तसंच आपल्या कुटुंबासोबत वेळ घालवता यावा यासाठी मुंबईच्या टीमने खेळाडूंना ४ दिवस विश्रांती देण्याचा निर्णय घेतला. या विश्रांतीनंतर मुंबईची टीम सरावासाठी मैदानात उतरली.