IPL Opening Ceremony 2023 Date and Time : प्रत्येक क्रिकेटप्रेमी उद्याच्या दिवसाची वाट पाहतोय. उद्यापासून म्हणजेच 31 मार्चपासून आयपीएलच्या 16 व्या सिझनला सुरुवात होणार आहे. मात्र यंदाच्या आयपीएल ओपनिंग सेनेमनीला बॉलिवूडचाही तडका लागणार आहे. बॉलिवूड सेलिब्रिटीं 16 व्या सिझनचं धडाक्यात स्वागत करण्यास सज्ज आहेत. 


COMMERCIAL BREAK
SCROLL TO CONTINUE READING

आयपीएलचा 16व्या सिझन 31 मार्चपासून सुरू होणार आहे. गुजरातमधील अहमदाबादच्या 'नरेंद्र मोदी स्टेडियम'मध्ये ही स्पर्धा खेळवली जाणार आहे. हा सामना गुजरात टायटन्स आणि चेन्नई सुपर किंग्ज यांच्यात रंगणार आहे. त्याचबरोबर त्यात ग्लॅमरचा तडका जोडण्यासाठी अनेक बॉलिवूड स्टार्सही यात सहभागी होणार आहेत. जाणून घ्या IPL च्या ओपनिंग सेरेमनीमध्ये कोणते स्टार्स दिसणार आहेत.


किती वाजता रंगणार आयपीएलची ओनपिंग सेरेमनी?


31 मार्च रोजी संध्याकाळी 6 वाजता आयपीएलच्या ओपनिंग सेनेमनीला सुरुवात होणार आहे. जवळपास 45 मिनिटं ही सेरेमनी चालणार आहे.   


हे सेलिब्रिटी करणार परफॉरमन्स


बॉलिवूड आणि दक्षिण चित्रपट अभिनेत्री तमन्ना भाटिया ग्रँड ओपनिंग सेरेमनी मध्ये सहभागी होणार आहे. यासोबतच बॉलिवूडचा फेसम सिंग अरिजीत सिंह (Arijit Singh) देखील लाईव्ह परफॉर्म करणार आहे. 


मिळालेल्या माहितीनुसार, अभिनेत्री कतरिना कैफ,  रश्मिका मंदाना आणि टाइगर श्रॉफ हे देखील परफॉर्म करणार आहेत. मात्र या सेलिब्रिटींच्या नावाची अजून अधिकृत नावं घोषित करण्यात आलेली नाही. 


कुठे दिसणार ओपनिंग सेरेमनी?


स्टार स्पोर्ट्स नेटवर्ककडे इंडियन प्रीमियर लीग (IPL) चे प्रसारण करण्याचे अधिकार आहेत. त्यामुळे स्टार स्पोर्ट्सच्या वेगवेगळ्या चॅनेलवर आयपीएल सामने त्याचप्रमाणे ओपनिंग सेरेमनी तुम्ही पाहू शकता. 


लाइव्ह मॅच मोफत कशी बघायची?


IPL चे स्ट्रिमींग जिओ सिनेमावर होणार आहे. या अॅपमध्ये तुम्ही लाईव्ह सामना पाहू शकता. यावेळी पाहण्यासाठी तुम्हाला कोणत्याही प्रकारचे पैसे भरण्याची गरज नाहीये. तुम्ही तुमच्या फोनवर Jio Cinema अॅप इन्स्टॉल करून आयपीएलचे सामने फ्रीमध्ये पाहू शकता.


31 मार्चपासून रंगणार आयपीएलचा थरार


31 मार्च म्हणजेच शुक्रवारपासून क्रिकेटच्या सर्वात मोठ्या लीगला सुरुवात होणार आहे. यावेळी पहिला सामना गुजरात टायटन्स विरूद्ध चेन्नई सुपर किंग्ज यांच्यामध्ये रंगणार आहे. दरम्यान गुरुवारी सर्व टीमच्या कर्णधारांचं आयपीएलच्या ट्रॉफीसोबत फोटोशूट करण्यात आलं. मात्र यावेळी मुंबई इंडियन्सच्या टीमचा कर्णधार रोहित शर्मा उपलब्ध नव्हता.