SRH vs PBKS Playing 11, IPL 2023: हैदराबाद की पंजाब? कोणता संघ भारी पडणार? अशी असू शकते दोन्ही संघांची Playing 11
Sunrisers Hyderabad (SRH) vs Punjab Kings (PBKS) Probable Playing 11 : IPL 2023 मधील आजचा सामना सनरायझर्स हैदराबाद आणि पंजाब किंग्ज यांच्यात होणार आहे. हैदराबादच्या राजीव गांधी आंतरराष्ट्रीय स्टेडियमवर संध्याकाळी 7.30 वाजता सामना सुरू होईल.
SRH vs PBKS Playing 11 : इंडियन प्रीमियर लीग (IPL) 2023 मधील आजचा दुसरा सामना सनरायझर्स हैदराबाद आणि पंजाब किंग्ज (SRH vs PBKS) यांच्यात आहे. हैदराबादच्या राजीव गांधी आंतरराष्ट्रीय स्टेडियमवर संध्याकाळी 7.30 वाजता सामना सुरू होईल. सनराइजर्स हैदराबाद (SRH) आणि पंजाब किंग्ज (PBKS) यांच्यातील हा सामना प्रेक्षकांसाठी पैसा-स्पिनर ठरू शकतो. हैदराबाद संघासाठी हा सामना महत्त्वाचा असून पंजाब संघाने मागील दोन्ही सामने सलग जिंकले आहेत.
सलग दोन पराभव सहन केल्यानंतर सनरायझर्स हैदराबादचा नवा कर्णधार एडन मार्कराम पंजाबविरुद्ध चांगली प्लेइंग इलेव्हन मैदानात उतरवण्याचा प्रयत्न करेल. कारण गेल्या दोन सामन्यांमध्ये हैदराबादची सर्वात मोठी समस्या ही फलंदाजी आहे. हैदराबादचे मागील दोन्ही सामने लो स्कोअरिंगचे होते. तर दुसरीकडे एडन मार्कराम गेल्या सामन्यात गोल्डन डकचा बळी ठरला होता. याशिवाय 13.25 कोटींच्या बोलीनंतर हैदराबादमध्ये सामील झालेला हॅरी ब्रूक आतापर्यंत छाप पाडण्यात अपयशी ठरला आहे.
वाचा: ‘…मी अवली लवली कोहली’नंतर मुंबई इंडियन्सचा ‘हा’ अवली पाहायला का? पाहा Video
हैद्राबाद आणि पंजाब यांच्यात हेड टू हेड
आयपीएलच्या इतिहासात हैदराबाद आणि पंजाब यांच्यात एकूण 20 सामने झाले आहेत. त्यापैकी हैदराबादने 13 आणि पंजाबने 7 सामने जिंकले आहेत. सनरायझर्स हैदराबादची पंजाब किंग्जविरुद्ध त्यांच्या घरच्या मैदानावरची कामगिरीही तितकीच प्रभावी ठरली आहे. हैदराबादच्या राजीव गांधी स्टेडियमवर दोन्ही संघ 7 वेळा आमनेसामने आले आहेत. त्यापैकी हैदराबादने 6 वेळा विजय मिळवला आहे. तर पंजाबने 1 सामना जिंकला आहे.
इम्पॅक्ट प्लेयर्स अशा प्रकारे वापरता येतात
हैदराबाद संघाने प्रथम फलंदाजी केली तर ते प्लेइंग-11 मध्ये मयंक अग्रवालला पोहचू शकतो. त्यानंतर दुसऱ्या डावात गोलंदाजी करताना मयंकच्या जागी मार्को जेन्सनला खेळले जाऊ शकते. त्याचप्रमाणे पंजाबचा संघ फलंदाजीदरम्यान भानुका राजपक्षेला प्लेइंग-11 मध्येही खेळू शकतो. पण जेव्हा गोलंदाजी येते तेव्हा या खेळाडूला बाहेर काढून ऋषी धवनला मैदानात उतरवले जाऊ शकते.
संभाव्य दोन्ही संघांचे प्लेइंग-11
सनरायझर्स हैदराबाद: अनमोलप्रीत सिंग (यष्टीरक्षक), मयंक अग्रवाल/मार्को जेन्सन (प्रभावी खेळाडू), राहुल त्रिपाठी, एडन मार्कराम (कर्णधार), हॅरी ब्रूक, अब्दुल समद, वॉशिंग्टन सुंदर, आदिल रशीद, भुवनेश्वर कुमार, उमरान मलिक आणि टी नटराजन.
पंजाब किंग्स: प्रभसिमरन सिंग, शिखर धवन (कर्णधार), भानुका राजपक्षे/ऋषी धवन (इम्पॅक्ट प्लेयर), जितेश शर्मा (विकेटकीपर), सिकंदर रझा, सॅम करण, शाहरुख खान, नॅथन एलिस, हरप्रीत ब्रार, राहुल चहर आणि अर्शदीप सिंग.