11 वर्षानंतर आयपीएलमध्ये वेगळी झाली ही जोडी

बंगळुरु : आयपीएलने भारताच्या 2 सुपरस्टार खेळाडुंना अखेर वेगळं केलं आहे. हे दोन्ही खेळाडू आतापर्यंत एकत्र खेळले आहे. 2008 मधील आयपीएल पासून 2017 पर्यंत ते सोबत खेळत होते. 

कोण आहेत ते 2 खेळाडू?

आयपीएलच्या सीजन 11 मध्ये आता हे दोघे खेळाडू वेगवेगळे खेळणार आहेत. तुम्हाला प्रश्न पडला असेल की कोण असतील ते 2 खेळाडू? तर ते आहेत रॉबिन उथप्पा आणि मनीष पांडे.

एकाच संघात

उथप्पा आणि पांडे यांनी 2008 पासून एकाच संघात क्रिकेट खेळली आहे. 2008 मध्ये दोघेही मुंबई इंडियंसकडून खेळत होते. 2009-10 मध्ये दोघेही मग रॉयल चॅलेंजर्स बंगळुरुचा भाग होते. 2011 ते 2013 ते पुणे वारियर्स इंडियाकडून खेळले. 2014 ते 2017 ते कोलकाता नाईट रायडर्सकडून खेळत होते.

आता कोणत्या संघात?

आता आयपीएल-11 मध्ये उथप्पा कोलकाताकडून तर मनीष पांडे हैदराबादमधून खेळणार आहे. मनीष पांडेला हैदराबादने 11 कोटींना खरेदी केलं आहे. उथप्पाला कोलकाताने 6.40 कोटींन खरेदी केलं आहे.