ICC Men's Cricket World Cup Super League 2020-2023 : पाकिस्तानने शुक्रवारी रात्री वेस्ट इंडिजवर आणखी एक शानदार विजय नोंदवून विश्वचषक सुपर लीगमध्ये जाण्याची त्यांची मोहीम सुरू ठेवलीये. दुसऱ्या एकदिवसीय सामन्यात 120 धावांनी मोठा विजय मिळवल्यानंतर, पाकिस्तानने WCSL गुणतालिकेत तीन स्थानांनी झेप घेत 7व्या स्थानावरून चौथ्या स्थानावर झेप घेतली आहे. बांगलादेश, अफगाणिस्तान आणि इंग्लंड आता पाकिस्तानच्या वर आहेत. 


COMMERCIAL BREAK
SCROLL TO CONTINUE READING

दुसरीकडे, जर वेस्ट इंडिजबद्दल बोलायचे झाले तर, या पराभवानंतर त्यांचे एक स्थान कमी झाले आहे आणि ते चौथ्या स्थानावरून पाचव्या स्थानावर गेले आहेत.


पाकिस्तानच्या विजयामुळे भारताचे नुकसान


वेस्ट इंडिजवर पाकिस्तानच्या विजयामुळे भारताला मोठा फटका बसला आहे. या सामन्यापूर्वी टीम इंडिया पॉइंट टेबलमध्ये 5 व्या स्थानावर होती, मात्र सामन्याच्या निकालानंतर टीम इंडिया पहिल्या 5 वरून 6 व्या स्थानावर घसरली आहे. याचा टीम इंडियावर परिणाम होणार नाही कारण भारत 2023 च्या विश्वचषकाचे आयोजन करत आहे, ज्यामुळे संघ थेट पात्र ठरेल.


इतर संघांबद्दल बोलायचे झाल्यास, भारताच्या मागे ऑस्ट्रेलिया, आयर्लंड, श्रीलंका, न्यूझीलंड, दक्षिण आफ्रिका, झिम्बाब्वे आणि नेदरलँड्स हे संघ आहेत. फेब्रुवारीमध्ये भारत वेस्ट इंडिजविरुद्ध शेवटचा एकदिवसीय सामना खेळला होता. टीम इंडिया आता इंग्लंड दौऱ्यावर 50 षटकांचे सामने खेळणार असून त्यादरम्यान टीम इंडियाचे लक्ष गुणतालिकेत सुधारणा करण्यावर असेल.


वर्ल्ड कप सुपर लीग म्हणजे काय?


आयसीसी क्रिकेट विश्वचषक सुपर लीगची ही पहिलीच आवृत्ती आहे. या लीगद्वारे भारताव्यतिरिक्त इतर 7 संघ 2022 च्या विश्वचषक स्पर्धेसाठी थेट पात्र ठरतील. उर्वरित दोन संघ विश्वचषक पात्रता फेरीतून निवडले जातील. सुपर लीगमध्ये एकूण 13 संघ सहभागी होत आहेत. प्रत्येक संघाला घरच्या मैदानावर 4 आणि बाहेर 4 म्हणजे एकूण 8 मालिका खेळण्याची संधी मिळेल. प्रत्येक मालिकेत एकूण 3 सामने होतील. विजेत्या संघाला 10 गुण मिळतील, बरोबरी/निकाल नसल्यास, 5 गुण दिले जातील.