VIDEO: फॅननं मैदानात येऊन रोहित शर्माला केलं किस, रितीका म्हणते...

मुंबई : वेस्ट इंडिजविरुद्ध हैदराबादमध्ये झालेल्या दुसऱ्या टेस्टदरम्यान एका प्रेक्षक सुरक्षा तोडून मैदानात आला. या प्रेक्षकाला भारताचा कर्णधार विराट कोहलीसोबत सेल्फी घ्यायचा होता. त्याआधी राजकोटमध्ये झालेल्या पहिल्या टेस्टवेळीही दोन प्रेक्षक विराटसोबत सेल्फी घेण्यासाठी मैदानात आले होते. आयपीएलदरम्यानही धोनीला भेटण्यासाठी आणि त्याच्या पाया पडण्यासाठी प्रेक्षक मैदानात आल्याच पाहायला मिळालं. असाच अनुभव आता रोहित शर्मालाही आला आहे.

विजय हजारे ट्रॉफीमध्ये मुंबई आणि बिहारची मॅच सुरु होती. रोहित शर्मा बॅटिंग करत असताना एक फॅन पळत आला. त्यानं रोहित शर्माचे पाय पकडले आणि रोहितला किस करण्याचा प्रयत्न केला. यानंतर तो फॅन नाचत पुन्हा परत गेला.

रोहित शर्मानं हेल्मेट घातल्यामुळे या फॅनच्या किसपासून रोहित शर्मा वाचला. रोहित शर्माला किस करतानाचा हा व्हिडिओ सोशल मीडियावर व्हायरल होत आहे. रोहितची पत्नी रितीका सजदेह आणि युझवेंद्र चहलनं हा व्हिडिओ शेअर करत रोहित शर्माला लक्ष्य केलं.

चहलनं त्याच्या इन्स्टाग्रामवरून रोहितला किस करतानाचा फोटो शेअर केला आणि वहिनी हे काय चाललंय? असं विचारत रितीकाला टॅग केलं. याला रितीकानंही प्रतिक्रिया दिली आहे. आपल्या दोघांना स्पर्धा देणारा आला आहे, असं रितीका म्हणाली. रितीका आणि युझवेंद्र चहलला रोहित शर्मानं मात्र अजून प्रतिक्रिया दिली नाही.