रॉजर फेडररने पूर्ण केले 5 वर्षांपूर्वी दिलेले `पिंकी प्रॉमिस`, Video पाहून तुम्हीही व्हाल फॅन
पाच वर्षांपूर्वी रॉजर फेडररने आपल्या चाहत्याला एक वचन दिले होते
Roger Federer : टेनिसचा सम्राट म्हणून ओळख असलेल्या रॉजर फेडररचा (Roger Federer) एक व्हिडिओ सध्या सोशल मीडियावर व्हायरल होत आहे. हा व्हिडिओ टेनिस स्टार रॉजर फेडररने स्वतः त्याच्या इंस्टाग्रामवर शेअर केला आहे.
पाच वर्षांपूर्वी या स्टार खेळाडूने आपल्या चाहत्याला एक वचन दिले होते, जे त्याने पूर्ण केले आहे. हे वचन पूर्ण करण्यासाठी केलेल्या प्लॅनिंगचेही त्याचे चाहते कौतुक करत आहेत. क्षणार्धात तो मुलगा सोशल मीडिया स्टारही बनला आहे.
20 वेळा ग्रँडस्लॅम चॅम्पियन असलेल्या फेडररने पाच वर्षांपूर्वी सहा वर्षीय इझियान अहमदला वचन दिले होते. इझियानचे टोपण नाव जिजो (Zizou) आहे. फेडररने या चिमुकल्या चाहत्याला त्याच्यासोबत टेनिस खेळण्याचे वचन दिले होते. त्यावेळी जीजोने टेनिस स्टारला पिंकी प्रॉमिस (Pinky promise) आहे का, असा प्रश्न विचारला होता, त्यावर फेडररने होकार दिला होता.
जिजोला दिलेले वचन पूर्ण करण्यासाठी फेडररने त्याला म्युनिकला बोलावले होते. त्यानंतर त्याच्यासाठी खास व्यवस्थाही केली होती.
पाहा व्हिडीओ -
व्हिडिओमध्ये एक महिला मॅनेजर म्हणून आधी जिजोला भेटायला येते, त्यानंतर काही मुले तिचे नाव घेतात. यानंतर टेनिस कोर्टवर फेडरर त्याच्यासोबत खेळण्यासाठी येत असल्याचे जिजो पाहतो. त्यानंतर दोघांमध्ये सामनाही होतो. हा व्हिडिओ सोशल मीडियावर व्हायरल होत आहे.
टेनिस सामना खेळल्यानंतर फेडररने आपल्या चाहत्याला पास्ता पार्टीही दिली. फेडररला समोर पाहून जीजो खूप भावूक झाला होता. यानंतर फेडररनेही त्याला मिठी मारून प्रेम व्यक्त केले.
सोशल मीडियावर फेडररच्या चाहत्यांनीही त्याचे कौतुक केले आहे. हा व्हिडिओ रॉजर फेडररच्या इंस्टाग्राम अकाऊंटवर पोस्ट करण्यात आला आहे. यामध्ये नॉस्टॅल्जियापासून पास्ता पार्टीपर्यंतचे क्षण टिपले आहेत.