IPL 2022 | रन मशीनला लागला गंज, विराटवर चाहत्यांचा संताप

Virat Kohli सध्या खराब फॉर्ममध्ये आहे. ज्यामुळे त्याचे चाहते देखील निराश झाले आहेत.

IPL 2022 : आयपीएल 2022 मधील विराटची (Virat Kohli) कामगिरी सध्या डगमळली आहे. एकेकाळी हा फलंदाज आला म्हणजे शतक ठोकणार असं प्रत्येकाला वाटायचं. पण आज विराट कोहली सध्या चांगल्या फॉर्ममध्ये नाही. धावा करण्यासाठी त्याला संघर्ष करावा लागत आहे. त्यामुळेच आयपीएल 2022 हा विराटसाठी खूप चांगला ठरलेला नाही. ज्याला रन मशिन म्हटले जाते, तो या हंगामात तिसऱ्यांदा 'गोल्डन डक'चा बळी ठरला. सनरायझर्सविरुद्धच्या मोसमात दुसऱ्यांदा पहिल्याच चेंडूवर कोहली बाद झाला. केन विल्यमसनने त्याला दोन्ही वेळा आपल्या जाळ्यात अडकवले.

रविवारी सनरायझर्स हैदराबादच्या जगदीशा सुचितने पहिल्याच चेंडूवर विराट कोहलीला पॅव्हेलियनचा रस्ता दाखवला. एकंदरीत विराटचा तो खेळ दिसत नाही, जो पूर्वी लोकप्रिय होता. कोहलीच्या या कामगिरीने त्याचे चाहते चांगलेच संतापले असून त्यांच्या प्रतिक्रिया येत आहेत.

यापूर्वी सनरायझर्स हैदराबादविरुद्धच्या सामन्यात मार्को जॅन्सेनने त्याला गोल्डन डकवर बाद केले. लखनौविरुद्धच्या सामन्यात कोहलीला दुष्मंता चमीराने गोल्डन डकवर बाद केले. गोल्डन डक हा शब्द क्रिकेट चाहत्यांसाठी नवीन नाही, पण ज्यांना माहित नाही त्यांच्यासाठी तो पुन्हा पुन्हा सांगतो की जेव्हा एखादा फलंदाज खाते न उघडता त्याच्या पहिल्याच चेंडूवर बाद होतो तेव्हा त्याला गोल्डन डक म्हणतात.