TVS Raider 125 Smartxonnect Launch: प्रसिद्ध बाईक निर्माता TVS कम्युटर बाइक सेगमेंटमध्ये आपली पकड मजबूत करण्याचा प्रयत्न करत आहे. कंपनीने गेल्या वर्षाच्या अखेरीस TVS Raider 125 बाईक सादर केली होती. आता या बाइकचे नवीन रेंज-टॉपिंग मॉडेल लॉन्च केले आहे. या प्रकारात तुम्हाला कनेक्टेड फीचर्स देण्यात आले आहे. कंपनीने नवीन TVS Raider 125 Smartxonnect ची किंमत 99,990 रुपये (एक्स-शोरूम, दिल्ली) ठेवली आहे. या प्रकारामध्ये 5-इंचाचा TFT डिस्प्ले आहे, तर उर्वरित व्हेरियंटमध्ये फक्त डिजिटल LCD डिस्प्ले देण्यात आला आहे. 


 डिस्प्लेमध्ये काय आहे खास ?


COMMERCIAL BREAK
SCROLL TO CONTINUE READING

Raider 125 Smartxonnect मध्ये 5-इंचाचा TFT डिस्प्ले दिल्यामुळे या किफायतशीर बाईकमध्ये अनेक उत्तम फीचर्स जोडण्यात आली आहेत. हा TFT डिस्प्ले तुमच्या स्मार्टफोनशी एकाचवेळी जोडू शकता. ज्यामुळे तुम्हाला सूचना अलर्ट, हवामानाचा अंदाज आणि टर्न बाय टर्न नेव्हिगेशन मिळू शकते. या TFT डिस्प्लेची खास गोष्ट म्हणजे बाईकमधील इंधन कमी झाल्यावर ते आपोआप जवळच्या पेट्रोल पंपाचा रस्ता दाखवेल. 


यात व्हॉईस रेकग्निशन फीचरदेखील देण्यात आले आहे. जे या सेगमेंटमध्ये यापूर्वी पाहिले गेले नाही. म्हणजेच तुम्ही बाईकला आवाजानेही कमांड देऊ शकता. तुम्ही TFT स्क्रीनची चमक देखील जाडू शकता.


असे आहे या बाईकचे इंजिन


बाईकच्या इंजिनमध्ये किंवा उर्वरित इंजिन डिझाइनमध्ये कोणताही बदल करण्यात आलेला नाही. यात रोबोट-स्टाइलमधील हेडलॅम्प, तीक्ष्ण विस्तारांसह शिल्पित इंधन टाकी आणि एक स्लीक टेल सेक्शन आहे. मोटरसायकल 124.8cc, सिंगल-सिलिंडर, एअर-कूल्ड, थ्री-व्हॉल्व्ह इंजिनला सपोर्ट करत आहे. जी पाच-स्पीड गिअरबॉक्सशी जोडलेली आहे. हे इंजिन 7,500rpm वर 11.2bhp आणि 6,000rpm वर 11.2Nm पीक टॉर्क निर्माण करते.