TATA Safari ची बाजारात एंट्री, नवीन एसयूव्ही मॉडेल खूप आरामदायी

मुंबई : टाटा मोटर्सचे (TATA Motors) सफारी मॉडेल (Safari new model) ज्यांना आवडते त्यांच्यासाठी एक मोठी आनंदाची बातमी आहे. टाटा सफारीचे नवीन मॉडेल बाराजारात लॉन्च करण्यात आले आहे. नवीन टाटा सफारी ही 3 रो Harrier आहे. या कारमद्ये 6-7 जण आरामात बसू शकतात. याशिवाय नवीन मॉडेलच्या इंटीरियरमध्ये बरेच बदल करण्यात आले आहेत.

6 प्रकारात टाटा सफारीचे नवीन मॉडेल 

टाटा मोटर्सने नवीन सफारी मॉडेल 6 प्रकारांमध्ये लाँच केले आहे. टाटा सफारीचे नवीन मॉडेल XE, XM, XT, XT Plus, XZAD आणि XZ Plus मध्ये लॉन्च केले गेले आहे. टाटा मोटर्सने 2021 ब्लॅक आणि आयव्हरी या दोन रंगांच्या सफारी केबिनमध्ये एक नवीन इंटीरियर देण्यात आले आहे. 3-स्पोक स्टीयरिंग व्हील आणि 8.8 इंचाची इंफोटेनमेंट सिस्टम पूर्वीसारखीच आहे. ही प्रणाली Apple कारप्ले आणि अँड्रॉइड ऑटोला सपोर्ट करत आहे. या व्यतिरिक्त कंपनीने आयआरए कनेक्ट केलेल्या कार तंत्रज्ञानासह व्हॉइस रिकग्निशन फीचरसह नवीन एसयूव्ही (SUV) सुसज्ज केली आहे.

नवीन मॉडेल किंमत

टाटा सफारीच्या नवीन मॉडेलच्या अधिकृत किंमती जाहीर करण्यात आल्या आहेत. दिल्लीतील 2021 सफारीची सुरुवातीची एक्स-शोरूम किंमत 14.69 लाख रुपये आहे. तर टॉप मॉडेल 21.45 लाख रुपयांपर्यंत आहे. टाटा मोटर्स 2020 ऑटो एक्सपोमध्ये नवीन सफारीला ग्रॅविटास म्हणून लॉन्च करण्यात आले. कंपनीने आधीच 2021 सफारीचे बुकिंग सुरू केले होते. जे 30,000 रुपयांमध्ये करता येते. हॅरियरप्रमाणे (TATA Harrier), नवीन सफारी नवीन इम्पॅक्ट 2.0 डिझाइन तंत्रज्ञानावर तयार केली गेली आहे आणि डिझाइनमध्ये बरेच बदल केले गेले आहेत. 2021 सफारीच्या फ्रंट-एंडमध्ये नवीन ग्रीलबरोबर टाय-एरो थीम देण्यात आली आहे.

नवीन टाटा सफारी Harrier पेक्षा लांब आहे

2021 टाटा सफारीच्या नवीन मॉडेलमध्ये फोर सिलिंडर डिझेल इंजिन आहे. ज्यामध्ये 168 बीएचपी आणि 350 एनएम पीक टॉर्क तयार होतो. या इंजिनसह सामान्यपणे 6-स्पीड मॅन्युअल आणि पर्यायांमध्ये ह्युंदाईकडून घेतलेला 6-स्पीड टॉर्क कन्व्हर्टर स्वयंचलित गिअरबॉक्स असतो. सेफ्टीबद्दल सांगायचे झाले तर, नवीन सफारीमध्ये 6 एअरबॅग, एबीएस आणि ईबीडी, हिल डिसेंट कंट्रोल, मुलांसाठी आयफिक्स, मागील पार्किंग सेन्सर्स, ट्रॅक्शन कंट्रोल आणि हिल होल्ड कंट्रोल या सुविधा देण्यात आल्या आहेत. सर्वसाधारणपणे, एसयूव्हीमध्ये इलेक्ट्रॉनिक स्टेबिलिटी प्रोग्राम देण्यात आला आहे. नवीन एसयूव्ही हॅरियरपेक्षा 70 मिलीमीटर लांब असून TATA Harrier सारखीच रुंदी आणि व्हीलबेस आहे.