पाच रुपयांत अनलिमिटेड डाटा, व्होडाफोनची ऑफर!

नवी दिल्ली : भारतातली दूसरी सर्वात मोठी टेलिकॉम कंपनी म्हणून ओळखल्या जाणाऱ्या व्होडाफोननं रमजानच्या निमित्तानं एका धमाकेदार ऑफर जाहीर केलीय. 

कंपनीचा हा प्लान खास पश्चिम उत्तरप्रदेश आणि उत्तराखंड रीजनच्या युजर्ससाठी आहे. या प्लानमध्ये ग्राहकांना अनलिमिटेड लोकल / एसटीडी कॉल आणि डाटा उपलब्ध करून दिला जाईल. 

टूजी युझर्सना केवळ ५ रुपयांत अनलिमिटेड डाटा मिळेल. तर थ्रीजी युझर्सना १९ रुपयांत अनलिमिटेड डाटा दिला जाईल. हे पॅक केवळ एका तासासाठी वैध असेल. याशिवाय टूजी युझर्सना २५३ रुपयांत अनलिमिटेड डाटा आणि अनलिमिटेड लोकल/एसटीडी कॉलिंग दिली जाईल. 

सोबतच थ्रीजी युझर्सना ३४५ रुपयांत एक जीबी डाटा प्रतिदिन आणि अनलिमिटेड लोकल / एसटीडी कॉलिंग मिळेल. २८ दिवसांसाठी हा प्लान वैध असेल. याशिवाय, १७ रुपयांच्या प्लानमध्ये लोकल आणि एसटीडी कॉल मिळेल. यात युझर्सना ३० पैसे प्रति मिनिट दरानं चार्ज केलं जाईल. ९० दिवसांसाठी हा प्लान वैध असेल. 

- पाच रुपयांचा टूजी प्लान अॅक्टिव्हेट करण्यासाठी युझर्सना *444*5# डायल करावं लागेल. 

- १९ रुपयांचा थ्रीजी प्लान अॅक्टिव्हेट करण्यासाठी युझर्सना *444*19# डायल करावं लागेल. 

- इतर दोन प्लान्ससाठी १२१ वर कॉल करून अॅक्टिव्हेट करता येऊ शकतील.