WhatsApp वर फोटो पाठवण्यापूर्वी... जाणून घ्या सविस्तर माहिती

WhatsApp च नवीन फीचर आलं समोर, `या` सेटींग्ज करून वापरता येणार आहे.

WhatsApp new feature :  जगप्रसिद्ध सोशल मेसेजिंग अ‍ॅप व्हॉट्सअ‍ॅप (WhatsApp) युझर्ससाठी नवनवीन फिचर्स आणत असते. या फिचर्सची युझर्सनाही उत्सुकता असते.आता असेच व्हॉट्सअ‍ॅपने बीटा (WhatsApp Beta) वापरकर्त्यांसाठी एक नवीन फीचर घेऊन आला आहे. हे नवीन फिचर काय आहे? व ते तुमच्या व्हॉट्सअ‍ॅपमध्ये कसे सुरु करता येणार हे जाणून घ्या. (whatsapp new feature blur photo before sending screenshot)

 WhatsApp डेस्कटॉप बीटा युजर्सना नवीन Image Blurring Tool मिळाले आहे. हे फीचर सध्या फक्त काही बीटा टेस्टर्सना दिले जात आहे, त्यामुळे जर तुम्हाला हे फीचर दिसत नसेल तर काळजी करण्याची गरज नाही. व्हॉट्सअॅप यूजर इंटरफेस सुधारण्यासाठी वेळोवेळी अपडेट जारी करत असते. या अपडेट्सची स्थिर आवृत्तीवर रिलीज करण्यापूर्वी बीटा आवृत्तीवर चाचणी केली जाते. म्हणजेच, स्थिर आवृत्तीवर येण्यापूर्वी, बीटा आवृत्तीवर कोणत्याही वैशिष्ट्याची चाचणी केली जाते. अलीकडेच अॅपवर एक नवीन फीचर दिसले आहे.

लवकरच तुम्ही व्हॉट्सअॅपवर फोटो पाठवताना अस्पष्ट करू शकाल. कंपनी एका ड्रॉईंग टूलवर काम करत आहे. ज्याच्या मदतीने तुम्ही कोणताही फोटो ब्लर करू शकता. या फिचरच्या मदतीने तुम्ही फोटोचा कोणताही भाग सहज अस्पष्ट करू शकाल.

WhatsApp चे हे फीचर सध्या बीटा (beta) फेजमध्ये आहे आणि WABetaInfo ने ते स्पॉट केले आहे. या वर्षाच्या सुरुवातीला WhatsApp या वैशिष्ट्यावर काम करत आहे. मात्र, कंपनीने आता हे फीचर बीटा यूजर्ससाठी रिलीझ करण्यास सुरुवात केली आहे. याचा स्क्रीनशॉटही समोर आला आहे. यामध्ये यूजर्सला कोणताही फोटो शेअर करताना एडिट करण्याचा पर्याय मिळेल.

इतर अनेक पर्यायही उपलब्ध असतील 

हा पर्याय वापरून तुम्ही संपूर्ण फोटो किंवा फोटोचा कोणताही भाग अस्पष्ट करू शकता. व्हॉट्सअॅपने दोन ब्लर टूल्सचा पर्याय दिला आहे. वापरकर्ते त्यांच्या सोयीनुसार त्यांचा वापर करू शकतील. सध्या, हे वैशिष्ट्य बीटा वापरकर्त्यांसाठी उपलब्ध आहे आणि त्याचे स्थिर आवृत्ती अद्यतन कधी येईल हे माहित नाही.

याशिवाय, वापरकर्त्यांनी अलीकडेच व्हॉट्सअॅप बीटा वर नवीन अवतार वैशिष्ट्यीकृत प्रोफाइल चित्र पर्याय पाहिला आहे. या फीचरच्या मदतीने यूजर्स व्हॉट्सअॅप प्रोफाइल पिक्चरवर त्यांचा अवतार सेट करू शकतील. यासोबतच यूजर्सना कॅप्शनचा पर्यायही मिळेल, ज्याच्या मदतीने यूजर्स कोणत्याही डॉक्युमेंटला पाठवण्यापूर्वी त्यावर कॅप्शन लिहू शकतील.