पुणे । बाटली बंद पाण्यात शेवाळ, कंपनीवर छापा

पुण्यात विक्री करण्यात येणाऱ्या बाटली बंद पाण्यात चक्क शेवाळ सापडले. तसेच काही बाटल्यांत हिरवे पाणी आढळून आले. पैसे देवूनही असे पाणी मिळत असल्याने ग्राहकांनी तीव्र नाराजी व्यक्त केली होती. तसेच बाटली बंद पाण्यात शेवाळ आणि हिरवे पाणी आढळल्याचे वृत्त 'झी २४ तास'ने दाखवले. या संदर्भातील बातमी सोमवारी प्रसारित केली होती. त्यानंतर खडबडून जाग्या झालेल्या अन्न व औषध प्रशासनाने संबंधित कंपनीवर आज छापा टाकला आहे.