बीड । छगन भुजबळ यांच्यावर उद्धव ठाकरेंचा पलटवार

बीड : राममंदिर बांधण्यापेक्षा शिवसेनेचं दैवत असलेल्या बाळासाहेब ठाकरेंचं स्मारक बांधा असा टोला लगावणाऱ्या राष्ट्रवादीचे नेते छगन भुजबळांवर शिवसेना पक्षप्रमुख उद्धव ठाकरे यांनी पलटवार केलाय. दैवत बदलणारे आम्हाला शिकवणार का ? असा सवाल ठाकरेंनी केलाय. याच दैवताला तुम्ही अटक करायला निघाले होते, असा टोलाही त्यांनी भुजबळांना लगावलाय. शिवसेनाप्रमुख बाळासाहेब ठाकरे यांच्या स्मारकाची चिंता कोणी करु नये. ते होणारच आहे. जे जामिनावर बाहेर पडलेत तरीही त्यांचे पाय अजून जमिनीवर नाहीत, असा जोरदार टोला उद्धव यांनी भुजबळ यांना हाणला.