वॉशिंग्टन: न्यूयॉर्कचे गव्हर्नर अँड्र्यू कुमो (Andrew Cuomo)यांच्या अडचणी वाढत चालल्या आहेत. आता आणखी एका महिलेने त्यांच्यावर लैंगिक छळाचे आरोप केले आहेत. राज्यपालांनी मला पकडले आणि जोरात किस घेतले, असा महिलेचा दावा आहे. ही घटना महिलेच्या घरात तिच्या कुटुंबीयांसमोर घडली. यापूर्वीही बर्‍याच महिलांनी राज्यपालांवर लैंगिक छळाचा आरोप केला आहे. गंभीर आरोप असूनही अध्यक्ष जो बिडेन यांनी अँड्र्यू कुमो यांचा राजीनामा घेण्यास नकार दिला आहे. तपास पूर्ण होईपर्यंत प्रत्येकाने थांबावे असे त्यांनी म्हटले आहे.


शेरी व्हिलची कहाणी


COMMERCIAL BREAK
SCROLL TO CONTINUE READING


55 वर्षीय शेरी व्हिल (Sherry Vill) यांनी सांगितले की, 2017 मध्ये राज्यपाल अँड्र्यू कुमो पुरात झालेल्या नुकसानीची पाहणी करण्यासाठी माझ्या घरी आले. पण अचानक त्यांनी मला किस करायला सुरुवात केली. हे सर्व माझ्या कुटुंबासमोर घडले. मी लज्जित झाले होते आणि त्यांचे हे चुंबन घेणे विचित्र वाटले. पण त्यावेळी मी काहीही बोलण्याच्या स्थितीत नव्हते.


खरंतर, लैंगिक छळाची ही घटना मे 2017 मधील आहे. विलच्या मुलीनेही या किसचा फोटो सोशल मीडियावर पोस्ट केला आहे. तीन मुलांची आई, विल म्हणाली, कुमो दौऱ्याच्या काही दिवसानंतर तिच्या कर्मचार्‍यांपैकी एकाने तिला कार्यक्रमात बोलावले. तिथे राज्यपाल उपस्थित होते. महत्त्वाचे म्हणजे अँड्र्यू कुओमोवर अनेक महिलांनी लैंगिक छळाचे आरोप केले आहेत. राज्यपालांनी अयोग्य प्रकारे स्पर्श केला होता असे या महिलांनी त्यांच्या तक्रारीत म्हटले आहे.


जो बायडेन यांच्याकडून बचाव 


अध्यक्ष बिडेन काही दिवसांपुर्वी म्हणाले होते की, 'अँड्र्यू कुमोमोवरील आरोपांची चौकशी चालू आहे. माझा विश्वास आहे की चौकशी पूर्ण होईपर्यंत आपण थांबावे. ' बायडेन यांनी कुओमोच्या प्रकरणावर पहिल्यांदा जाहीरपणे भाष्य केले. तत्पूर्वी, 63 वर्षीय डेमोक्रॅट गव्हर्नरने स्वतः राजीनामा देण्यास नकार दिला होता.