वॉशिंग्टन : अमेरिकेत कोरोना विषाणूच्या  (Coronavirus in America) डेल्टा प्रकारामुळे (Coronavirus Delta Variant) संसर्गाच्या प्रकरणांमध्ये मोठा उच्चांक पाहायला मिळत आहे. कोरोनाचा नवा विषाणू वेगाने मुलांना घेरत आहे. यामुळे, कोविड -19 बाधित मुलांची  रेकॉर्डब्रेक संख्या अमेरिकेतील रुग्णालयांमध्ये दाखल आहे. तज्ज्ञांच्या मते, हे डेल्टा प्रकारामुळे घडत आहे, कारण अल्फा स्ट्रेनपेक्षा मुलांना संसर्ग होण्याची शक्यता जास्त आहे. (Delta Variant being more likely to infect Children) 


कमी लसीकरणामुळे समस्या वाढली


COMMERCIAL BREAK
SCROLL TO CONTINUE READING

कमी लसीकरणामुळे (Corona Vaccination) ही समस्या वाढली आहे. लहान मुलांमध्ये कोरोनाचा संसर्ग होण्याचा धोका अमेरिकेच्या अनेक भागांमध्ये समोर आला आहे. कमी लसीकरण असलेल्या भागात कोविड -19ची लागण झालेल्या मुलांना रुग्णालयात दाखल करण्याची संख्या दिसून येत आहे. जुलैच्या सुरुवातीपासून, आम्ही कोरोना संसर्ग रुग्णसंख्येत सातत्याने वाढ पाहिली आहे आणि आम्ही रुग्णालयात दाखल झालेल्या मुलांमध्येही वाढ पाहिली आहे, असे टेक्सास चिल्ड्रेन हॉस्पिटलमधील (Texas Children's Hospital) बालरोगतज्ज्ञ डॉ. जेम्स वर्सालोविक यांनी सांगितले.


डेल्टा प्रकारामुळे रुग्णसंख्या वाढली


डॉ जेम्स वर्सालोविक म्हणाले, 'अमेरिकेत ही चौथी लाट मानली जात आहे आणि हे डेल्टा प्रकारामुळे आहे. डेल्टा व्हेरिएंट (Delta Variant) कोविड -19च्या सर्व ज्ञात प्रजातींपैकी सर्वात संसर्गजन्य आहे. डेल्टा व्हेरिएंट 90 टक्के पेक्षा जास्त कोरोनामध्ये बाधित आढळले आहे.


12 वर्षांपेक्षा कमी वयाची लस नाही


डॉक्टर म्हणाले, 'वास्तविक असे आहे की 12 वर्षांखालील मुलांसाठी अद्याप कोणतीही लस नाही. 12 वर्षे किंवा त्यापेक्षा जास्त वयाच्या मुलांना लसीकरण केले जात आहे, परंतु अनेकांना अद्याप लस दिलेली नाही. या भागात अजूनही 50 टक्क्यांपेक्षा कमी तरुण आहेत ज्यांना पूर्णपणे लसीकरण करण्यात आले आहे.


12 वर्षांवरील मुलांना लस दिली जातेय


12 ते 17 वर्षे वयोगटातील मुलांना दिले जात असले तरी अमेरिकेत मुलांसाठी फायझर कोरोना लस मंजूर करण्यात आली आहे. फायझरने मार्चमध्ये आकडेवारी जाहीर केली आणि सांगितले की 12 ते 15 वर्षे वयोगटातील 2,260 स्वयंसेवकांना ही लस देण्यात आली, त्यानंतर कोणत्याही मुलामध्ये कोरोनाचा एकही रुग्ण आढळला नाही. त्यांनी दावा केला होता की त्यांची लस मुलांवर 100 टक्के प्रभावी आहे.


फ्लोरिडाच्या रुग्णालयात दाखल झालीत विक्रमी मुलं


विश्लेषणानुसार, फ्लोरिडामध्ये सलग आठ दिवस मुलांना रुग्णालयात दाखल करण्याचा विक्रम आहे. हे अशा वेळी घडत आहे जेव्हा टेक्सास आणि फ्लोरिडामधील बहुतेक विद्यार्थी या महिन्यात शाळेत परत जात आहेत. दरम्यान, काही शाळा मुलांसाठी मास्क आवश्यक आहेत की नाही यावर वाद घालत आहेत.