अंडे शाकाहारी की मांसाहारी? शास्त्रज्ञांनी शोधले योग्य उत्तर, जाणून घ्या

Eggs Vegetarian Or Not: 'संडे हो या मंडे रोज खाओ अंडे' हे वाक्य तुम्ही नक्कीच ऐकलं असेल. आरोग्याच्या दृष्टीने रोज अंडी खाण्याचा सल्ला दिला जातो. पण अनेकदा अंडे शाकाहारी की मांसाहारी? हा संभ्रम असतो. त्यामुळे शाकाहारी लोकं अंडे खाणं टाळतात. अंड्यातून पिल्लं बाहेर पडतात म्हणून ते मांसाहारी असल्याचं, मत शाकाहारी लोकं मांडतात. मात्र, काही लोकांना हा युक्तिवाद मान्य नाही. शास्त्रज्ञही हा युक्तिवाद खोटा असल्याचे सांगतात. शास्त्रज्ञांचे मते, दूधही प्राण्यांपासून मिळते, मग तो शाकाहारी कसं काय?

बाजारात मिळतात अनफर्टीलाइज्ड अंडी

बाजारात मिळणारी सर्व अंडी अनफर्टिलाइज्ड असतात. म्हणजेच या अंड्यांतून पिल्ले बाहेर पडत नाहीत. त्यानुसार अंड्यांना मांसाहारी मानणे योग्य ठरणार नाही. शास्त्रज्ञांनीही या प्रश्नाचे उत्तर विज्ञानाच्या माध्यमातून शोधले आहे. अंड्यांवर केलेल्या एका संशोधनानुसार अंड्यामध्ये तीन थर असतात. पहिली साल, दुसरी पांढरा पदार्थ आणि तिसरं अंड्यातील पिवळ बलक म्हणजेच अंड्यातील पिवळ बलक. अंड्याच्या पांढऱ्या पदार्थामध्ये फक्त प्रोटीन असते. त्यात प्राण्याचा कोणताही भाग नसतो. त्यामुळे तांत्रिकदृष्ट्या अंड्याचा पांढरा भाग हा शाकाहारी असतो.

अंड्यातील पिवळ बलकामध्ये प्रथिने आणि कोलेस्ट्रॉल असते

अंड्यातील पिवळ बलक बद्दल बोलायचं झालं तर त्यात प्रथिनांसह कोलेस्ट्रॉल आणि चरबी चअसते. कोंबडी कोंबड्याच्या संपर्कात आल्यानंतरच गेमेट पेशी तयार होतात. त्यामुळे हा पिवळा भाग मांसाहारी होतो. तर बाजारातील अंड्यांमध्ये असे काहीही नसते.

कोंबडी कोंबड्याच्या संपर्कात न येता अंडी घालते!

तुम्हाला हे जाणून आश्चर्य वाटेल की कोंबडी सहा महिन्यांनंतर अंडी घालू लागते. ती दर एक ते दीड दिवसांनी अंडी घालते. यासाठी कोंबड्याच्या संपर्कात आलंच पाहिजे असे नाही. कोंबड्याच्या संपर्कात न येता कोंबडी अंडी घालते, त्याला अनफर्टिलाइज्ड अंडी म्हणतात. यातून पिल्ले कधीच बाहेर येऊ शकत नाहीत, असा शास्त्रज्ञांचा दावा आहे. त्यामुळे बाजारात मिळणारी अंडी शाकाहारी वर्गातच गणली जातात.