नवी दिल्ली : पाकिस्तानमध्ये असलेले दहशतवादी काश्मीर खोऱ्यात काहीतरी मोठे करण्याचा कट रचत आहेत. भारतीय गुप्तचर संस्थांनी याबाबत एक नव्हे तर दहा अलर्ट जारी केले आहेत. असे म्हटले जात आहे की हे दहशतवादी यासाठी तालिबानची मदत घेऊ शकतात. तालिबानने 15 ऑगस्ट रोजी काबूलवर कब्जा केला. काश्मीर मिशनमध्ये तालिबानही सोबत येईल, असे पाकिस्तान तेव्हापासून सांगत आहे. वरिष्ठ अधिकाऱ्यांच्या मते, जम्मू -काश्मीरमधील गुप्तचर संस्थांना माहिती मिळाली आहे की तालिबानने काबूल ताब्यात घेतल्यानंतर काश्मीरमध्ये दहशतवाद्यांच्या हालचाली वाढल्या आहेत. त्यानुसार पाकिस्तानमध्ये बसलेले अनेक दहशतवादी सीमा ओलांडून भारताच्या जम्मू -काश्मीरमध्ये घुसखोरी करण्याचा प्रयत्न करत असल्याची माहिती मिळाली आहे.


COMMERCIAL BREAK
SCROLL TO CONTINUE READING

गेल्या सुमारे 15 दिवसात गुप्तचर संस्थांनी दहा अलर्ट जारी केले आहेत. सीमेवर मोठ्या घटनेला अमंलात आणू शकतात असा अलर्ट जारी करण्यात आला आहे.


हे पाहता सुरक्षा यंत्रणांना सतर्क करण्यात आल्याचे अधिकाऱ्यांचे म्हणणे आहे. लष्कर-ए-तैयबा, जैश-ए-मोहम्मद आणि हिजबुल मुजाहिद्दीनच्या दहशतवाद्यांचे स्थान बदलल्याची माहितीही गुप्तचर यंत्रणांना मिळाली आहे. सुरक्षा यंत्रणांना ग्रेनेड हल्ले, महत्त्वाच्या ठिकाणांवर हल्ले, सुरक्षा दलांवर हल्ले आणि सार्वजनिक ठिकाणी आयईडी स्फोटांविरोधातही इशारा देण्यात आला आहे.


अलर्टमध्ये म्हटले आहे की, पाच दहशतवाद्यांचा समूह पीओकेमध्ये जांदरोट मार्गे पुंछच्या मेंढर भागात घुसखोरी करू शकतो. हे सर्व दहशतवादी हिजबुल मुजाहिदीनशी संबंधित आहेत. गुप्तचर संस्थेच्या अधिकाऱ्याचे म्हणणे आहे की, सोशल मीडियावरही दहशतवाद्यांच्या हालचाली वाढल्या आहेत. सोशल मीडियावर प्रसिद्ध झालेल्या व्हिडीओमध्ये घाटीतील तरुणांना लक्ष्य केले जात आहे. गुप्तचर संस्थेच्या अधिकाऱ्यांचे म्हणणे आहे की ते अशा व्हिडीओवर बारीक नजर ठेवून आहेत.


कंधारमध्ये तालिबान आणि जैश-ए-मोहम्मदच्या नेत्यांमधील बैठकीची माहितीही गुप्तचर यंत्रणेला मिळाली आहे. ही बैठक ऑगस्टच्या तिसऱ्या आठवड्यातच झाली.