कोरोनाचे विषाणू या माणसांच्या नाकाजवळ सोडले आणि...

नवी दिल्ली :  कोरोना व्हायरसने संपूर्ण जगात थैमान घातलं आहे. कोरोना व्हायरसवर मात करण्यासाठी अनेक उपाययोजना राबवल्या जात आहेत. आता कोरोनाला थेट मानवजातीद्वारे आव्हान दिलं जाणार आहे. कोरोनाचा संसर्ग कसा होतो, संसर्गाचे टप्पे काय असतात याचा अभ्यास करण्यासाठी ह्युमन चॅलेंज टेस्ट करण्यात येणार आहे. अतिशय खडतर पण वेगळ्या अशा या टेस्ट आहेत. 

स्वयंसेवकांच्या नाकावर विषाणू सोडून त्याचे संसर्गाचे टप्पे अभ्यासण्यात येत आहेत. या चाचण्यांना इंग्लंडमध्ये परवानगी देण्यात आलीय. यासाठी ९० स्वयंसेवकांची चाचणी करून निवड केली जईल. १८ ते ३० वयोगटातल्या स्वयंसेवकांच्या नाकावर विषाणू सोडण्यात येणार आहे. या निरीक्षणांमधून अधिक परिणामकारक लस शोधता येणार आहे.

शिवाय 14 दिवस त्यांना क्वारंटाईन करून  त्यांच्यावर पूर्ण लक्ष ठेवण्यात येणार आहे. निवड झालेल्या स्वयंसेवकांना सुरक्षित वातावरणात कोरोना विषाणूच्या संपर्कात ठेवण्यात येणार आहे. विषाणू संसर्ग कसा करतो, रोगप्रतिकारशक्ती त्याला कसा प्रतिसाद देते याचा आभ्यास देखील करता येणार आहे. 

विषाणूचा सखोल अभ्यास करून परिणामकारक लस तयार करण्यास उपयुक्त ठरणार आहे. नाकावर विषाणू कसा वाढतो याचा अभ्यास देखील करण्यात येणार आहे. त्याचप्रमाणे संसर्गाची लक्षणं दिसण्यापूर्वी टप्पे अभ्यासणार आहे.