यशवंत साळवे, झी मीडिया मुंबई : रशिया आणि युक्रेनमध्ये सुरू असलेल्या युद्धाला जवळपास 8 महिने उलटले तरी रशियाचे हल्ले थांबण्याचं नाव घेत नाहीत. दरम्यान, रशियाने कीववर पुन्हा एकदा जबरदस्त हल्ला चढवला आहे. रशियानं सोमवारी पहाटे कामिकाझे ड्रोनने कीववर हल्ला केला. या सततच्या हल्ल्यांनंतर रशियाने शांतपणे युक्रेनवर हल्ला केल्याचं बोललं जात आहे. 


COMMERCIAL BREAK
SCROLL TO CONTINUE READING

युक्रेनच्या हवाई क्षेत्रावर ड्रोन हल्ला करत इमारतींना पूर्णपणे नष्ट करण्याचे व्हिडिओ सोशल मीडियावर मोठ्या प्रमाणावर शेअर केले जात आहेत. संरक्षण तज्ञांचे म्हणणे आहे की, हे ड्रोन इराणने बनवलेले घुसखोरी शस्त्र 'शाहेद-136' आहेत, ज्याला रशियन सैन्यात 'गेरान-2' देखील म्हणतात. हे हल्लेखोर ड्रोन भयंकर शांततेत त्यांच्या लक्ष्यांवर हल्ला करत असल्याचे व्हिडिओमध्ये दाखवण्यात आले आहे. 


अलिकडच्या आठवड्यात रशिया वारंवार तथाकथित आत्मघाती ड्रोन वापरत आहे ज्यात पॉवर स्टेशनसह पायाभूत सुविधांना लक्ष्य केले आहे. युक्रेनचे राष्ट्राध्यक्ष झेलेन्स्की यांनी सोशल मीडियावर एका पोस्टमध्ये म्हटले आहे की, "रात्रभर आणि सकाळपर्यंत शत्रूने आपल्या देशातील लोकांवर दहशत माजवली आहे." युक्रेनवर हल्ला करण्यासाठी रशिया जे आत्मघाती ड्रोन वापरत आहे ते दुसरे कोणी नसून कामिकाझे ड्रोन आहेत. म्हणजेच ते ड्रोन जे स्वतः मरतील आणि शत्रूलाही मारतील. जे लक्ष्यावर पडताच स्फोट होतात.


ड्रोनचे वैशिष्ट्य
यामध्ये एकदाच लोकेशन आणि टार्गेट फिट करा, बाकीचे काम ते स्वतः करतात. हे ड्रोन गाइडेड शस्त्रांनी सुसज्ज आहे. टार्गेटचे लोकेशन त्यात लॉक होताच, टार्गेटवर पडून त्याचा स्फोट होतो. स्ट्राईक ड्रोन म्हणून ओळखल्या जाणार्‍या या ड्रोनमध्ये तीन किलोग्रॅम वजनाची स्फोटके भरली जाऊ शकतात. 30 मिनिटे उडणारे हे ड्रोन पहिल्यांदा 2019 च्या आंतरराष्ट्रीय संरक्षण प्रदर्शनात (IDEX) दाखवण्यात आले. ते ताशी 80 ते 130 किमी वेगाने धावतं.