मुंबई : काबूल एअरपोर्टवर झालेल्या सीरियल बॉम्ब ब्लास्टनंतर तालिबानने धमाक्याला दहशतवादी कृत्य म्हटलं आहे. अफगाणिस्तानवर कब्जा केल्यानंतर सरकार बनवण्यात मग्न असलेलं तालिबानने सांगितलं की, त्यांनी ISIS वर हल्ल्याचा संशय व्यक्त केला होता. तालिबानचे प्रवक्ते जबीहुल्ला मुजाहिद म्हणाले की, या गटाने अमेरिकांना काबूल विमानतळावर इसिसकडून संभाव्य दहशतवादी हल्ल्यांची माहिती दिली आहे. 


COMMERCIAL BREAK
SCROLL TO CONTINUE READING

ते म्हणाले की तालिबान आंतरराष्ट्रीय समुदायाशी बांधील आहे आणि दहशतवाद्यांना त्यांच्या कारवायांसाठी अड्डा म्हणून अफगाणिस्तानचा वापर करू देणार नाही. तालिबानने आयएसआयएस सारख्या दहशतवादी संघटनांच्या हल्ल्यांबाबत अमेरिकन सैन्याला इशारा दिला होता.


धमाक्यानंतर उडाला एकच धुवा 



टोलो न्यूजने तालिबानेचे प्रवक्ते जबीहुल्ला मुजाहिद यांनी सांगितले की, काबूल विमानतळाच्या अब्बे गेटजवळ बरुण हॉटेलजवळ झालेल्या स्फोटात किमान 52 लोक जखमी झाले आहेत. दरम्यान, अमेरिकेच्या संरक्षण मंत्रालयाने दावा केला आहे की काबूल विमानतळाजवळ झालेल्या स्फोटांमध्ये अमेरिकन नागरिकही ठार झाले आहेत.


संध्याकाळी झाले दोन धमाके 


गुरूवारी संध्याकाळी काबूल विमानतळावर दोन बॉम्बस्फॉट झाले. पहिला स्फोट अंतरराष्ट्रीय विमानतळ के एबी गेटच्या बाहेर झाला आहे, तर दुसरा स्फोट विमानतळाबाहेर असलेल्या बॅरेन हॉटेल बाहेर झाला आहे. या बॉम्बस्फोटात अमेरिकन सैनिकांसह एकूण 72 लोक ठार झाले आहेत, तर 140 लोक जखमी असल्याची माहिती मिळत आहे. स्फोटात मारले गेलेल्यांमध्ये अमेरिकेचे सैनिक असल्याचं पेंटागनने सांगितलं आहे. 
 
यास्फोटामध्ये  11 यूएस मरीन्स आणि वायूदलाचे एक वैद्यकिय कर्मचारी यांचा समावेश आहे. महत्त्वाचं म्हणजे या हल्ल्याची जबाबदारी कथित इस्लामिक स्टेटने घेतली आहे. सोशल मीडियाच्या माध्यमातून त्यांनी हा हल्ला घडवून आणला आहे. हल्ल्यापूर्वी पश्चिमी सरकारने अफगाण नागरिकांना विमानतळापासून दूर राहण्याचा सल्ला दिला होता. 


अफगाणिस्तानात कार्यरत असलेल्या इस्लामिक स्टेट गटाशी संलग्न आईएस-के  अतिरेक्यांकडून धमकी देण्यात आली आहे, अशी चेतावणी देण्यात आली. अमेरिकेचे राष्ट्रपती जो बायडन यांना हल्ल्यांची पूर्ण माहिती देण्यात आली. अमेरिका सध्या अफगाणिस्तनामधील सर्व हलचालींवर नजर ठेवून आहेत. 


दरम्यान, परराष्ट्र व्यवहार आणि राष्ट्रीय सुरक्षा धोरण समित्यांच्या सदस्या ऍलिसिया केर्न्स यांनी सांगितले, 'बॅरेन हॉटेलजवळ झालेल्या हल्ल्यात अधिक लोक जखमी झाले आहेत.' या हल्ल्यात महिला आणि लहान मुल देखील ठार झाले असून तालिबानी देखील जखमी झाले आहेत.