7th Pay Commission: ચૂંટણી પહેલાં આ નિર્ણયથી સરકારી કર્મચારીઓને જલસા, જાણો કેટલાં પૈસા મળશે

7th Pay Commission Arrears: લોકસભાની ચૂંટણીઓની જાહેરાત થઈ ચુકી છે. ત્યારે ચૂંટણી પહેલાં સરકારી કર્મચારીઓ માટે આવ્યા છે એક ખુબ સારા સમાચાર...જેને કારણે હાલ તો સરકારી કર્મચારીઓના ઘરે દિવાળી પહેલાં જ દિવાળી આવી ગઈ છે. છત્તીસગઢમાં 1 જાન્યુઆરી, 2016થી સાતમું પગાર પંચ લાગુ કરવામાં આવ્યું હતું. તેની જાહેરાત 2017 માં કરવામાં આવી હતી અને સરકારે કહ્યું હતું કે 1 જાન્યુઆરી, 2016 થી 30 જૂન, 2017 સુધીનું બાકીનું વળતર 18 હપ્તામાં ચૂકવવામાં આવશે. જે સરકારી કર્મચારીઓને મોટો ફાયદો કરાવશે.

સરકારી કર્મચારીઓને શું લાભ થશે?
મોંઘવારી ભથ્થામાં વધારો કર્યા બાદ છત્તીસગઢ સરકારે કર્મચારીઓ માટે વધુ એક સારા સમાચાર આપ્યા છે. રાજ્ય સરકાર દ્વારા સરકારી કર્મચારીઓના ખાતામાં સાતમા પગાર પંચની બાકી રકમ જમા કરવામાં આવી છે. આ બાકી રકમની પ્રાપ્તિ સાથે કર્મચારીઓને છેલ્લો હપ્તો ચૂકવવામાં આવશે. છેલ્લા હપ્તાને લગતો આદેશ સરકારે તાજેતરમાં જ આપ્યો છે. સરકાર તરફથી આદેશ મળ્યા બાદ રાજ્ય સરકારના નાણા વિભાગે સરકારી કર્મચારીઓ અને અધિકારીઓને આશરે રૂ. 500 કરોડના સાતમા પગાર ધોરણનો છેલ્લો હપ્તો ચૂકવી દીધો છે.

તમને કેટલા પૈસા મળશે?
સરકારી કર્મચારીઓના એરિયર્સની ચુકવણી બાદ દરેક કર્મચારીને સરેરાશ 10 થી 15 હજાર રૂપિયા મળશે. કર્મચારીઓને મળેલો આ હપ્તો એપ્રિલથી જૂન 2017નો છે. જો કે, આ પછી સરકારી કર્મચારીઓને માર્ચના પગાર માટે 5 થી 7 એપ્રિલ સુધી રાહ જોવી પડી શકે છે. ખરેખર, સરકાર દ્વારા આપવામાં આવેલા આદેશ બાદ આ પ્રક્રિયાને આગળ વધારવાને કારણે પગારમાં વિલંબ થઈ રહ્યો છે. જો કે બાકીના પગારના બિલ તૈયાર કરીને સરકારી તિજોરીમાં મોકલવા સૂચના આપવામાં આવી છે.

સરકારી કર્મચારીઓને ચુકવાશે એરિયર્સઃ
તમને જણાવી દઈએ કે છત્તીસગઢ રાજ્યમાં 1 જાન્યુઆરી, 2016થી સાતમું પગાર પંચ લાગુ કરવામાં આવ્યું હતું. જો કે આ અંગેની જાહેરાત બાદમાં કરવામાં આવી હતી. તેથી, 1 જાન્યુઆરી, 2016 થી 30 જૂન, 2017 સુધીની બાકી રકમ 18 હપ્તામાં ચૂકવવામાં આવશે તેવું કહેવામાં આવ્યું હતું.

અલગ અલગ હપ્તામાં ચૂકવાશે

હવે આ લેણાં સરકાર દ્વારા અલગ-અલગ હપ્તામાં ચૂકવવામાં આવી રહી છે. તમને જણાવી દઈએ કે કોવિડ રોગચાળા દરમિયાન કેન્દ્ર સરકાર દ્વારા કેન્દ્રીય કર્મચારીઓના ડીએમાં વધારો અટકાવવામાં આવ્યો હતો. આ સંદર્ભે હજુ પણ સરકારી કર્મચારીઓ એરિયર્સ ચૂકવવાની માંગ કરે છે.

ડીએમાં 4 ટકાનો વધારો-
માર્ચમાં જ, છત્તીસગઢના મુખ્યમંત્રી વિષ્ણુ દેવ સાઈએ રાજ્ય સરકારના અધિકારીઓ માટે મોંઘવારી ભથ્થા (DA)માં 4% વધારાની જાહેરાત કરી હતી. આગામી લોકસભા ચૂંટણી પહેલા સરકારે તેને મંજૂરી આપી હતી. આ વધારા સાથે રાજ્યમાં સરકારી કર્મચારીઓનો DA વધીને 50 ટકા થઈ ગયો છે. 1 જાન્યુઆરીથી અમલમાં આવ્યા બાદ કર્મચારીઓને જાન્યુઆરી અને ફેબ્રુઆરી મહિનાનું એરિયર્સ આપવામાં આવશે.