નેશનલ એવોર્ડ વિનર વિક્કી-આયુષ્માનને અમિતાભ બચ્ચને અલગ અંદાજમાં આપી શુભેચ્છા

નવી દિલ્હીઃ થોડા દિવસ પહેલા એક પત્રકાર પરિષદમાં 66મા નેશનલ ફિલ્મ એવોર્ડની જાહેરાત થઈ હતી. ધ સર્જિકલ સ્ટ્રાઇક માટે વિક્કી કૌશલ અને અંધાધુન માટે આયુષ્માન ખુરાનાને બેસ્ટ એક્ટરનો રાષ્ટ્રીય પુરસ્કાર આપવાની જાહેરાત થઈ હતી. નેશનલ એવોર્ડ મળ્યા બાદ આયુષ્માન-વિક્કીને ફિલ્મ ઈન્ડસ્ટ્રીઝમાથી સતત શુભકામનાઓ મળી રહી છે. 

આ બંન્ને અભિનેતાઓને મહાનાયક અમિતાભ બચ્ચને પણ ખાસ અંદાજમાં શુભેચ્છા આપી છે. અમિતાભની સાથે જયા બચ્ચને પણ બંન્ને અભિનેતાઓને શુભકામના આપી છે. 

અમિતાભ-જયાએ વિક્કી-આયુષ્માનને ફૂલોનો બુકે અને પત્ર મોકલાવ્યો. વિક્કી કૌશલે ઇન્સ્ટા સ્ટોરી પર બિગ બી દ્વારા મોકલાવેલ બુકે અને નોટને શેર કરી છે. ખુશી વ્યક્ત કરતા અભિનેતાએ લખ્યું- મારા માટે આ દુનિયા છે. બચ્ચન સર અને જયા મેમ આભાર. 

इस सदी के महानायक से जब आपको राष्ट्रीय पुरस्कार मिलने की उपलब्धि पर प्रशंसा मिलती है तो वह राष्ट्रीय पुरस्कार से कम नहीं होती है।धन्यवाद अमिताभ sir, जया maam 🙏🏻 pic.twitter.com/SzR9ATRT0t

— Ayushmann Khurrana (@ayushmannk) August 13, 2019

તો આયુષ્માન ખુરાનાએ બિગ બી-જયા બચ્ચનની સ્પેશિયલ નોટ મળ્યા બાદ ટ્વીટમાં લખ્યું- 'આ સદીના મહાનાયકની જ્યારે તમને રાષ્ટ્રીય પુરસ્કાર મળવાની સિદ્ધિ પર પ્રશંસા ણળે છે તો તે રાષ્ટ્રીય પુરસ્કારથી ઓછી નથી. ધન્યવાદ અમિતાભ સર, જયા મેમ.'

અમિતાભ બચ્ચન તરફથી મળેલા આવા શુભેચ્છા સંદેશનો દરેક બોલીવુડ અભિનેતાને ઇંતજાર રહે છે. આ પહેલા બિગ બીએ દીપિકા પાદુકોણ, તાપસી પન્નુ અને રણવીર સિંહને બુકે અને પત્ર મોકલ્યો હતો. અમિતાભની પ્રશંસા મેળવવી કોઈપણ કલાકાર માટે સન્માનની વાત હોય છે.