Vodafone માંથી એકઝાટકે 11000 કર્મચારીઓને કાઢી મૂકાશે, કંપનીના CEOએ જણાવ્યો પ્લાન

Vodafone Layoff: વિશ્વની સૌથી મોટી ટેલિકોમ કંપનીઓમાંની એક વોડાફોને 11,000 કર્મચારીઓની છટણી કરવાની જાહેરાત કરી છે. કંપનીના સીઈઓ માર્ગેરિટા ડેલા વાલેએ કહ્યું કે કંપનીમાં ધરખમ ફેરફારોની જરૂર છે. આ જાહેરાત કંપની દ્વારા પ્રથમ ક્વાર્ટરના આંકડા બાદ કરવામાં આવી છે. સીઈઓએ કહ્યું કે કંપનીનું પ્રદર્શન ખૂબ જ ખરાબ રહ્યું છે. આવી સ્થિતિમાં કંપનીમાં ઘણા બદલાવની જરૂરિયાત અનુભવાઈ રહી છે. હાલમાં સમગ્ર વિશ્વમાં 1,04,000 કર્મચારીઓ છે. કંપનીમાંથી કર્મચારીઓની પ્રક્રિયા 3 વર્ષમાં પૂર્ણ કરવાની યોજના છે.

કમાણી ઓછી હોવાથી આ નિર્ણય લેવામાં આવ્યો
વોડાફોનનો આ નિર્ણય એવા સમયે આવ્યો છે જ્યારે કંપનીની કમાણી 1.3 ટકા એટલે કે 14.7 અબજ યુરો પર રહી છે. જે મૂળભૂત રીતે 15-15.5 બિલિયનથી ઓછું છે. કંપનીએ જણાવ્યું હતું કે કમાણીમાં ઘટાડો જર્મનીમાં ઊંચા ઊર્જા ખર્ચ અને વ્યાપારી અંડરપર્ફોર્મન્સને કારણે થયો છે. કંપનીએ કહ્યું કે આવતા વર્ષે આવકમાં વધુ ઘટાડો થવાની ધારણા છે, જે ઘટીને 13.3 બિલિયન યુરો થઈ શકે છે.

આ પણ વાંચો
Shani Vakri: રાજાની જેમ જીવશે આ રાશિના લોકો! 'શનિની ઉલટી ચાલ'થી ચમકી જશે કિસ્મત
WhatsApp યુઝર્સ માટે નવું અપડેટ: આ રીતે પર્સનલ ચેટ કરો Lock
Wife Gauri Khanના બુક લૉન્ચ ઇવેન્ટમાં સ્ટાઇલિશ અંદાજમાં જોવા મળ્યા Shah Rukh Khan

શું ભારતમાં પણ અસર પડશે?
વોડાફોન ભારતમાં આઈડિયા સાથે મળીને કામ કરી રહ્યું છે. અહીં પણ કંપની ખોટમાં છે. જો કે, બિરલા ગ્રૂપે ફરીથી આ સંયુક્ત સાહસને મજબૂત બનાવવાનું આશ્વાસન આપ્યું છે, પરંતુ દેવાના બોજ હેઠળ દબાયેલી વોડાફોન આઈડિયાનો રસ્તો સરળ નથી. વોડાફોન દ્વારા લેવામાં આવેલા નિર્ણયની અસર ભારતમાં પણ જોવા મળી શકે છે અને અહીં પણ છટણી જોવા મળી શકે છે. બિરલા ગ્રૂપની સહમતિ બાદ જ આ અંગે નિર્ણય લઈ શકાશે.

કંપનીના શેર ફ્લેટ
વોડાફોને મોટી છટણીની જાહેરાત કરી છે. કંપનીનો સ્ટોક ફ્લેટ દેખાઈ રહ્યો છે. યુકે સ્થિત કંપનીનો સ્ટોક 15મી મેના રોજ 90.16 GBX પર બંધ થયો છે. GBX એ પાઉન્ડનો સોમો ભાગ છે. તે જ સમયે, ભારતમાં વોડાફોન આઈડિયાના શેરમાં દોઢ ટકાથી વધુનો વધારો જોવા મળી રહ્યો છે અને કંપનીનો શેર 7.21 રૂપિયા પર ટ્રેડ થઈ રહ્યો છે.