CWG 2018: ગુજરાતી હરમીત દેસાઇએ ટેબલ ટેનિસમાં ભારતને અપાવ્યો ગોલ્ડ

ગોલ્ડ કોસ્ટ (ઓસ્ટ્રેલિયા): ભારતીય પુરૂષ ટેબલ ટેનિસ ટીમે અહીં જારી 21માં રાષ્ટ્રમંડળ ખેલોના પાંચમાં દિવસે સોમવારે નાઇજીરિયાને હરાવીને ગોલ્ડ મેડલ જીત્યો છે. ઓક્સેનફોર્ડ સ્ટૂડિયોજમાં રમાયેલી મેચમાં ભારતે નાઇજીરિયાને 3-0થી પરાજય આપ્યો હતો.

ફાઇનલનો પ્રથમ મેચ સિંગલનો હતો જેમાં અનુભવી ખેલાડી અચંતા શરથ કમલે પ્રથમ ગેમ 4-11થી હાર્યા બાદ વાપસી કરતા બોડે અમિયોડૂનને આગામી ત્રણ ગેમમાં 11-5, 11-4 અને 11-9 થી હરાવીને ભારતને 1-0ની લીડ અપાવી હતી. બીજા સિંગલ મુકાબલામાં ભારતના સાથિયાન ગણાસેકરનને પણ પ્રથમ ગેમમાં 10-12થી હારનો સામનો કરવો પડ્યો હતો. બાદમાં તેણે શાનદાર વાપસી કરતા 11-3, 11-3, 11-4થી જીત મેળવી હતી.

ત્યારબાદ ત્રીજી મેચમાં હરમીત દેસાઇ અને સાથિયાન ગણાસેકરને નાઇજીરિયાની ઓલાજીડે મોઓટાયો અને બોડે અમિયોડૂનની જોડીને 11-8, 11-5, 11-3 પરાજય આપ્યો હતો. ભારતનો આ 21માં રાષ્ટ્રમંડળ ખેલમાં નવમો ગોલ્ડ છે. ભારત મેડલ ટેલીમાં 18 મેડલ સાથે ત્રીજા ક્રમે છે.

Double gold for India in table tennis as men's team beat Nigeria 3-0 in the final. Congratulations! #IndiaAtCWG #GC2018 #GC2018TableTennis pic.twitter.com/7bBTKHjdcH

— Lalita Singh (@Lillian14Singh) April 9, 2018