શાહરૂખ ખાનની હેલ્થ અંગે લેટેસ્ટ અપડેટ : હીટસ્ટ્રોકની સાથે ન્યૂમોનિયાની પણ અસર, હજી પણ સારવાર ચાલુ

Shah Rukh Khan Admitted To Ahmedabad Hospital : આઈપીએલની મેચ દરમિયાન અમદાવાદમાં આવેલ બોલિવુડના સુપરસ્ટાર શાહરૂખ ખાનની અચાનક તબિયત લથડી હતી. જેને કારણે તેમને અમદાવાદની કેડી હોસ્પિટલમાં દાખલ કરવામાં આવ્યા છે. ગરમી લૂ લાગવાથી સુપરસ્ટારની તબિયત બગડી હતી અને તે ડિહાઇડ્રેશનનો શિકાર બન્યો હતો. ત્યારે પત્ની ગૌરી ખાન તાત્કાલિક અમદાવાદ દોડી આવી હતી. તો કિંગખાનને મળવા જુહી ચાવડા પણ કેડી હોસ્પિટલ પહોંચી હતી. ત્યારે હાલ શાહરૂખ ખાનની તબિયત અંગે લેટેસ્ટ અપડેટ આવ્યા છે. 

કિંગખાનના લેટેસ્ટ હેલ્થ અપડેટ
લેટેસ્ટ અપડેટ અનુસાર, શાહરુખ ખાનને હિટસ્ટ્રોક અને નીમોનિયાની અસરના કારણે કે.ડી.હોસ્પિટલમાં સારવાર હેઠળ રાખવામાં આવ્યા છે. હાલ શાહરુખ ખાનના તમામ રિપોર્ટ નોર્મલ આવ્યા છે. શાહરુખ ખાનને શુક્રવારની સવારે હોસ્પિટલમાંથી રજા આપશે. હાલ તેને આખી રાત હોસ્પિટલમાં ડોક્ટરના ઓબ્ઝર્વેશનમાં રખાશે. જોકે, પરિવાર કહેશે તો મોડી રાત્રે રજા આપી દેવામાં અપાશે. હાલ હોસ્પિટલમાં શાહરુખખાનની સાથે ગૌરીખાન અને સુહાના હોસ્પિટલમાં હાજર છે. હાલ શાહરુખની તબિયત સ્થિર હોવાનું સૂત્રોના હવાલાથી જાણવા મળ્યું છે. 

શાહરૂખ સવારથી હોસ્પિટલમાં
શાહરૂખ ખાન IPL 2024 ક્વોલિફાયર 1 માં તેની ટીમ KKR ને સપોર્ટ કરવા અમદાવાદમાં હતો. ગઈકાલે, તે નરેન્દ્ર મોદી સ્ટેડિયમમાં તેની ટીમે ચિયર કરતાં અને સપોર્ટ કરવા નજરે પડ્યો હતો. પ્રાપ્ત માહિતી અનુસાર, આજે 11 વાગ્યે તેને હોસ્પિટલમાં દાખલ કરાયા હતા. હાલમાં પત્ની ગૌરી ખાન પણ હોસ્પિટલમાં છે. જ્યારે જૂહી ચાવલાએ પણ  મુલાકાત લઈને શાહરૂખના હાલચાલ પૂછ્યા હતા.

ઉલ્લેખનીય છે કે, અમદાવાદના નરેન્દ્ર મોદી સ્ટેડીયમ માં આજે આઇપીએલની બીજી એલીમીનેટર મેચ છે. નરેન્દ્ર મોદી સ્ટેડિયમમાં IPLની બીજી એલિમિનેટર મેચને લઈને લોકોમાં ઉત્સાહ જોવા મળ્યો છે. રાજસ્થાન રોયલ અને રોયલ ચેલેન્જર બેંગલોર મહા મુકાબલો યોજાશે. આજની મેચની વિજેતા ટીમ સનરાઇઝર્સ હૈદ્રાબાદ સામે મુકાબલો થશે. આરસીબીએ સતત છ મેચ જીતી પ્લેઓફમાં પ્રવેશ મેળવ્યો છે. રાજસ્થાન રોયલે છેલ્લી પાંચ પૈકી ચાર મેચમાં હારનો સામનો કર્યો છે. આઇપીએલમાં અત્યાર સુધી બંને ટીમ બે વાર પ્લેઓફમાં સામ સામે ટકરાઈ છે. બંને ટીમનો એક એક વાર વિજય થયો છે. આરસીબીએ ૧૪ વાર પ્લેઓફમાં પ્રવેશ મેળવ્યો છે. ૧૪ પૈકી ૯ વાર હારઅને એક વાર જીત મળી છે.રાજસ્થાન રોયલ ૯ વાર પ્લેઓફમાં પ્રવેશી ચાર વાર જીતી અને પાંચ વાર હારી છે.