OMG: 9 વર્ષ સુધી માતાના પેટમાં ફસાયેલું રહ્યું બાળક, ડોક્ટર્સ પણ થઈ ગયા આશ્ચર્યચકિત

Mother's Death: સામાન્ય રીતે બાળકનો જન્મ ગર્ભાવસ્થામાં નવમાં કે દસમા મહિનામાં થાય છે. અમુક કિસ્સાઓમાં માતાની ડિલિવરી સાતમા કે આઠમા મહિનામાં પણ થાય છે. પરંતુ જો કોઈ મહિલાને ગર્ભવતી થયા પછી નવ વર્ષ સુધી બાળક ન થાય તો આશ્ચર્યચકિત થઈ જશો. અમેરિકામાં એક મહિલા નવ વર્ષ સુધી બાળકને પેટમાં લઈને ફરતી રહી. બાળકનો જન્મ પણ થયો ન હતો. ડોક્ટરને બતાવ્યું તો તે પણ આશ્ચર્યચકિત થઈ ગયા. આખરે આના કારણે મહિલાને એક દુર્લભ રોગ થયો અને તેણી મૃત્યુ પામી. ચાલો જાણીએ શું છે આખી સ્ટોરી.

કોંગોની આ મહિલા નવ વર્ષ પહેલા બની હતી ગર્ભવતી 
પરંતુ 28માં અઠવાડિયે મહિલાને જાણ થઈ કે બાળક હવે હલતું નથી. ગર્ભનો વિકાસ અટકી ગયો હતો. પછી મિસકેરેજ થવાનું હતું પણ એવું ન થયું. ડોક્ટરને બતાવ્યું તો તેણે કહ્યું કે બાળકનો શ્વાસ બંધ થઈ ગયો છે. કેટલીક દવાઓ લખી. કહ્યું- આનાથી ગર્ભપાત થશે. જો નહીં, તો બે અઠવાડિયા પછી આવીને જુઓ. પરંતુ જ્યારે મહિલા ક્લિનિકથી ઘરે પરત ફરી રહી હતી ત્યારે લોકોએ તેની સાથે દુર્વ્યવહાર કર્યો હતો. તેણીને ડાકણ કહીને ટોણો માર્યો. મહિલા એટલી નારાજ થઈ ગઈ કે તે મંદિરમાં ગઈ અને ભગવાનને પ્રાર્થના કરવા લાગી. તે જ સમયે, તેણીએ નક્કી કર્યું કે તે બાળક માટે ક્યારેય સર્જરી કરાવશે નહીં.

આ પણ વાંચો:
IPL ઓક્શન બાદ આ છે IPL 2023ની 10 ટીમો, જાણો દરેક ટીમના ખેલાડીઓની સંપૂર્ણ યાદી 
5000 રૂપિયાથી ઓછી કિંમતની ટોપ-5 સ્માર્ટવોચ, પ્રાઈસ સાથે ફિચર્સ પણ છે જોરદાર
રસોડામાં વેલણ-પાટલીનો ઉપયોગ કરતી વખતે આ વાતોનું ખાસ રાખો ધ્યાન, નહીં તો થઈ જશો બરબાદ

મહિલાના પેટમાં બાળક બની ગયું પથ્થર
 ડેઈલી મેઈલના અહેવાલ મુજબ તે થોડા દિવસો પહેલા જ અમેરિકા આવી હતી. એક દિવસ અચાનક તેને પેટમાં ખેંચાણ અને અપચો થવા લાગ્યો. સખત દુખાવો થવા લાગ્યો. તે હોસ્પિટલ દોડી. જ્યારે ડોકટરોએ સ્કેન કર્યું તો તેઓ આશ્ચર્યચકિત થઈ ગયા. મહિલાના પેટમાં હજુ પણ ગર્ભ હાજર હતો. તે પથ્થર જેવો થઈ ગયો હતો અને આંતરડાની પાસે અટવાઈ ગયો હતો. જેના કારણે આંતરડા સંકોચાઈ ગયા હતા. તેણી જે પણ ખાતી હતી તે પચતું ન હતું અને મહિલા કુપોષણનો શિકાર બની હતી. આખરે થોડા દિવસ પહેલા તેનું મૃત્યુ થયું હતું.

આવા વિશ્વમાં માત્ર 290 કેસ નોંધાયા હતા
ડોક્ટરોએ જણાવ્યું કે આ સ્થિતિ ત્યારે થાય છે જ્યારે ગર્ભાશયની જગ્યાએ ગર્ભનો વિકાસ પેટમાં થવા લાગે છે. વિજ્ઞાનની ભાષામાં તેને લિથોપેડિયન કહે છે. બાળકને પૂરતું લોહી મળતું નથી અને તેનો વિકાસ અટકી જાય છે. આવી સ્થિતિમાં, શરીર ગર્ભને બહાર કાઢવામાં અસમર્થ છે. કારણ કે તે ખોટી જગ્યાએ બનાવવામાં આવે છે. આ એક દુર્લભ ઘટના છે. અત્યાર સુધી સમગ્ર વિશ્વમાં આવા માત્ર 290 કેસ નોંધાયા છે. ફ્રાન્સમાં 1582માં પહેલીવાર આવી ઘટના નોંધાઈ હતી. 

આ સ્થિતિ શા માટે થાય છે. 
ઘટના ત્યારે થાય છે જ્યારે ગર્ભાશયની બહાર વિકાસ પામતો ગર્ભ ગર્ભાવસ્થા દરમિયાન મૃત્યુ પામે છે અને શરીરમાંથી પસાર થતો નથી. ગર્ભ પર કેલ્શિયમનું સ્તર જમા થાય છે અને ધીમે ધીમે તે પથ્થર જેવું દેખાવા લાગે છે. તેને સ્ટોન બેબી પણ કહેવામાં આવે છે. તે ગર્ભાવસ્થાની ઘણી જટિલતાઓમાંની એક છે જે માતાના સ્વાસ્થ્ય પર ગંભીર લાંબા ગાળાની અસર કરે છે. ક્યારેક માતાનું હૃદયરોગના હુમલાથી મૃત્યુ પણ થઈ શકે છે. જો કે, ઘણી સ્ત્રીઓ દાયકાઓ સુધી આ રીતે જીવી શકે છે. પરંતુ શ્રેષ્ઠ રસ્તો એ છે કે તરત જ ઓપરેશન કરીને ગર્ભને બહાર કાઢવો.