ಮತದಾರ ಗುರುತಿನ ಚೀಟಿ ಅಕ್ರಮ; ಕಾಂಗ್ರೆಸ್ಗೆ ಸದಾನಂದ ಗೌಡ ಸವಾಲು

ಬೆಂಗಳೂರು : ರಾಜರಾಜೇಶ್ವರಿನಗರ ವಿಧಾನಸಭಾ ಕ್ಷೇತ್ರದಲ್ಲಿ ಅಕ್ರಮವಾಗಿ ಸಂಗ್ರಹಿಸಿದ್ದ ಮತದಾರರ ಗುರುತಿನ ಚೀಟಿ ಪತ್ತೆಗೆ ಸಂಬಂಧಿಸಿದಂತೆ ಕಾಂಗ್ರೆಸ್ ಮಾಡಿರುವ ಆರೋಪವನ್ನು ಸಾಬೀತುಪಡಿಸುವಂತೆ ಕೇಂದ್ರ ಸಚಿವ ಡಿ.ವಿ.ಸದಾನಂದ ಗೌಡ ಸವಾಲು ಹಾಕಿದ್ದಾರೆ. 

ಈ ಬಗ್ಗೆ ಟ್ವೀಟ್ ಮಾಡಿರುವ ಸದಾನಂದ ಗೌಡ, ಜಾಲಹಳ್ಳಿಯ ಎಸ್ಎಲ್ ವಿ ಅಪಾರ್ಟ್ಮೆಂಟ್ ಮಂಜುಳಾ ನಂಜಾಮರಿ ವರಿಗೆ ಸೇರಿದ್ದಾದರೂ, ರಾಕೇಶ್, ಮಂಜುಳಾ ಅವರ ಮಗನಲ್ಲ. ಕಳೆದ ಬಿಬಿಎಂಪಿ ಚುನಾವಣೆಯಲ್ಲಿ ಮಂಜುಳಾ, ರಾಕೇಶ್ ವಿರುದ್ಧವೇ ಕೆಲಸ ಮಾಡಿದ್ದಾರೆ. ಈಗ ಕಾಂಗ್ರೆಸ್ ಪ್ರಕರಣದಿಂದ ಜಾರಿಕೊಳ್ಳಲು ಪ್ರಯತ್ನಿಸುತ್ತಿದೆ. ಕಾಂಗ್ರೆಸ್ ನವರು ಪ್ರಜಾಪ್ರಭುತ್ವಕ್ಕೆ ವಂಚನೆ ಮಾಡಲು ಯಾವ ಮಟ್ಟಕ್ಕೆ ಬೇಕಾದರೂ ಇಳಿಯುತ್ತಾರೆ ಎಂದು ವಾಗ್ದಾಳಿ ನಡೆಸಿದ್ದಾರೆ.

I present the statement from EC which never said Mrs Manjula Nanja Mari And Mr Rakesh is Mother n Son . It's congress conspiracy to make them mother -son . I challenge @INCIndia to prove the statement . Now Congress fear loss of their efforts to rig the elections. pic.twitter.com/EbT7Px6mCM

— Sadananda Gowda (@DVSBJP) May 9, 2018

ಅಲ್ಲದೆ, ಚುನಾವಣಾ ಆಯೋಗದ ಹೇಳಿಕೆಯಲ್ಲಿ "ಮತದಾರರ ಗುರುತಿನ ಚೀಟಿ ಪತ್ತೆಯಾದ ಫ್ಲಾಟ್ ರಾಕೇಶ್ ಅವರಿಗೆ ಬಾಡಿಗೆ ನೀಡಿದ್ದು" ಎಂದು ಹೇಳಲಾಗಿದೆ. ಆದರೆ ಕಾಂಗ್ರೆಸ್ ವೃಥಾ ಆರೋಪ ಮಾಡುತ್ತಿದೆ ಎದ್ನಿರುವ ಸದಾನಂದ ಗೌಡ ಅವರು, ಚುನಾವಣಾ ಆಯೋಗ ಈ ಸಂಬಂಧ ಹೊರಡಿಸಿರುವ ಪತ್ರಿಕಾ ಪ್ರಕಟಣೆಯನ್ನೂ ಟ್ವೀಟ್ ನಲ್ಲಿ ಒದಗಿಸಿದ್ದಾರೆ. 

The Statement from Election commissioner is very clear .The flat where Thousands of Voter id were found .The Flat Allegedly rented out to Mr Rakesh .If Election commission had proof they would not have used word Allegedly rented. Now I request EC to produce proof on allegation pic.twitter.com/Jve0QEWQQK

— Sadananda Gowda (@DVSBJP) May 9, 2018